Segja bitcoin líkjast fjárhættuspili Kjartan Kjartansson skrifar 30. nóvember 2022 14:57 Merki rafmyntarinnar bitcoin. Virði hennar hefur hrunið frá því að það náði hámarki í fyrra. Vísir/EPA Sérfræðingar Seðlabanka Evrópu segja að eftirlitsaðilar og fjármálastofnanir ættu ekki að veita rafmyntinni bitcoin lögmæti þar sem henni sé haldið uppi á óeðlilegan hátt og hún beri líkindi við fjárhættuspil. Myntin sé á leið til glötunar. Gengi bitcoin hefur fallið um 75% síðasta árið og sumra rafmynta enn meira undanfarið ár. Rafmyntarheimurinn varð fyrir verulegum álitshnekk þegar gengi margra þeirra hrundi í vor og svo aftur fyrr í þessum mánuði með skyndilegu gjaldþroti FTX-kauphallarinnar. Í óvenjuharðorðum pistli á vefsíðu Seðlabanka Evrópu segja Ulrich Bindseil, framkvæmdastjóri markaðsinnviða og greiðslukerfa hjá bankanum, og Jörgen Schaaf, ráðgjafi hjá bankanum, að stöðugleiki í gengi bitcoin nýlega sé dauðateygja myntarinnar á leið hennar að því að verða þýðingarlaus. Halda þeir því fram að hagsmunaðilar reyni að halda uppi verðinu á bitcoin eftir að það féll í vor þar sem spákaupmennskubólur sem þessar velti á því að nýir fjárfestar komi inn. „Stórir bitcoin-fjárfestar hafa sterkastan hvata til að halda sæluvímunni gangandi. Við lok árs 2020 byrjuðu einstök fyrirtæki að halda uppi bitcoin á kostnað fyrirtækjanna. Nokkrir áhættufjárfestingarsjóðir hafa einnig fjárfest mikið,“ segja greinarhöfundarnir. Þrátt fyrir frostið í rafmyntarbransanum eftir hrunið í vor hafi áhættufjárfestar sökkt 17,9 milljörðum dollara í rafmyntir og bálkakeðjur fram á sumarið. Veiti rafmyntum ekki lögmæti með því að setja reglur um þær Vara höfundarnir við því að það gæti veitt rafmyntariðnaðinum falskt lögmæti ef eftirlitsaðilar settu reglur um hann. Þar sem bitcoin virðist hvorki henta sem gjaldmiðill né fjárfestingarform ætti ekki að líta á myntina sem viðfangsefni fyrir reglur. Þá hafa höfundarnir varnarorð til fjármálastofnana sem daðra við rafmyntir. Orðspor þeirra gæti verið í hættu. Litlir fjárfestar gætu haldið að það sé öruggt að fjárfesta í rafmyntum þegar þeir sjá að eignarstýringu, tryggingafélög og banka blanda sér í þau viðskipti. „Fjármálaiðnaðurinn ætti að gjalda varhug við þeim langtímaskaða sem það gæti valdið að ýta undir fjárfestingar í bitcoin þrátt fyrir skammtímahagnaðinn sem hann gæti haft af þeim,“ segir í pistlinum. Bindseil sagði Reuters-fréttastofunni jafnframt að eftirlitsaðilar ættu heldur að líta á rafmyntir á sama hátt og veðmál eða fjárhættuspil. Þeir Schaaf benda einnig á að bálkakeðjutæknin sem bitcoin byggir á hafi skapað samfélaginu takmörkuð gæði til þessa og að kerfið byggist á fordæmalausri mengun. Gröftur eftir bitcoin sé svo orkufrekur að hann jafnist á við heilu hagkerfin. Í ár sé áætlað að bitcoin-gröftur noti jafnmikla raforku og Austurríki. Evrópusambandið er nú að smíða regluverk um rafmyntir en Reuters segir að það muni ekki ná utan um bitcoin þar sem það hefur ekki neina formlega starfsemi innan sambandsins. Rafmyntir Gjaldþrot FTX Tengdar fréttir Rafmyntakeisarinn sem reyndist nakinn Stofnandi rafmyntakauphallarinnar FTX var hylltur sem einhvers konar kennifaðir rafmyntarbransans og viðraði sig upp við stórstjörnur og stjórnmálamenn. Allt að milljón fjárfesta og viðskiptavina sitja nú uppi með milljarða dollara tap eftir skyndilegt hrun fyrirtækisins. 27. nóvember 2022 07:01 Mest lesið Þrír virkir leitendur fyrir hvern leigusamning Viðskipti innlent Gúrkusalatið ekki eina ástæða gúrkuskortsins Viðskipti innlent Alvarleg vanskil aukist töluvert Viðskipti innlent Gúrkan hækkað um þúsund krónur Viðskipti innlent ReebokFitness skiptir um nafn Viðskipti innlent Fá 34 milljóna sekt vegna vanskila á losunarheimildum Viðskipti innlent Hörð peningastefna ekki komið heimilum í vandræði Viðskipti innlent Hefur trú á að verðbólgumarkmið náist Viðskipti innlent Laus störf þrjú prósent á öðrum ársfjórðungi Viðskipti innlent Sesselía yfirgefur Vodafone Viðskipti innlent Fleiri fréttir Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Gengi bitcoin hefur fallið um 75% síðasta árið og sumra rafmynta enn meira undanfarið ár. Rafmyntarheimurinn varð fyrir verulegum álitshnekk þegar gengi margra þeirra hrundi í vor og svo aftur fyrr í þessum mánuði með skyndilegu gjaldþroti FTX-kauphallarinnar. Í óvenjuharðorðum pistli á vefsíðu Seðlabanka Evrópu segja Ulrich Bindseil, framkvæmdastjóri markaðsinnviða og greiðslukerfa hjá bankanum, og Jörgen Schaaf, ráðgjafi hjá bankanum, að stöðugleiki í gengi bitcoin nýlega sé dauðateygja myntarinnar á leið hennar að því að verða þýðingarlaus. Halda þeir því fram að hagsmunaðilar reyni að halda uppi verðinu á bitcoin eftir að það féll í vor þar sem spákaupmennskubólur sem þessar velti á því að nýir fjárfestar komi inn. „Stórir bitcoin-fjárfestar hafa sterkastan hvata til að halda sæluvímunni gangandi. Við lok árs 2020 byrjuðu einstök fyrirtæki að halda uppi bitcoin á kostnað fyrirtækjanna. Nokkrir áhættufjárfestingarsjóðir hafa einnig fjárfest mikið,“ segja greinarhöfundarnir. Þrátt fyrir frostið í rafmyntarbransanum eftir hrunið í vor hafi áhættufjárfestar sökkt 17,9 milljörðum dollara í rafmyntir og bálkakeðjur fram á sumarið. Veiti rafmyntum ekki lögmæti með því að setja reglur um þær Vara höfundarnir við því að það gæti veitt rafmyntariðnaðinum falskt lögmæti ef eftirlitsaðilar settu reglur um hann. Þar sem bitcoin virðist hvorki henta sem gjaldmiðill né fjárfestingarform ætti ekki að líta á myntina sem viðfangsefni fyrir reglur. Þá hafa höfundarnir varnarorð til fjármálastofnana sem daðra við rafmyntir. Orðspor þeirra gæti verið í hættu. Litlir fjárfestar gætu haldið að það sé öruggt að fjárfesta í rafmyntum þegar þeir sjá að eignarstýringu, tryggingafélög og banka blanda sér í þau viðskipti. „Fjármálaiðnaðurinn ætti að gjalda varhug við þeim langtímaskaða sem það gæti valdið að ýta undir fjárfestingar í bitcoin þrátt fyrir skammtímahagnaðinn sem hann gæti haft af þeim,“ segir í pistlinum. Bindseil sagði Reuters-fréttastofunni jafnframt að eftirlitsaðilar ættu heldur að líta á rafmyntir á sama hátt og veðmál eða fjárhættuspil. Þeir Schaaf benda einnig á að bálkakeðjutæknin sem bitcoin byggir á hafi skapað samfélaginu takmörkuð gæði til þessa og að kerfið byggist á fordæmalausri mengun. Gröftur eftir bitcoin sé svo orkufrekur að hann jafnist á við heilu hagkerfin. Í ár sé áætlað að bitcoin-gröftur noti jafnmikla raforku og Austurríki. Evrópusambandið er nú að smíða regluverk um rafmyntir en Reuters segir að það muni ekki ná utan um bitcoin þar sem það hefur ekki neina formlega starfsemi innan sambandsins.
Rafmyntir Gjaldþrot FTX Tengdar fréttir Rafmyntakeisarinn sem reyndist nakinn Stofnandi rafmyntakauphallarinnar FTX var hylltur sem einhvers konar kennifaðir rafmyntarbransans og viðraði sig upp við stórstjörnur og stjórnmálamenn. Allt að milljón fjárfesta og viðskiptavina sitja nú uppi með milljarða dollara tap eftir skyndilegt hrun fyrirtækisins. 27. nóvember 2022 07:01 Mest lesið Þrír virkir leitendur fyrir hvern leigusamning Viðskipti innlent Gúrkusalatið ekki eina ástæða gúrkuskortsins Viðskipti innlent Alvarleg vanskil aukist töluvert Viðskipti innlent Gúrkan hækkað um þúsund krónur Viðskipti innlent ReebokFitness skiptir um nafn Viðskipti innlent Fá 34 milljóna sekt vegna vanskila á losunarheimildum Viðskipti innlent Hörð peningastefna ekki komið heimilum í vandræði Viðskipti innlent Hefur trú á að verðbólgumarkmið náist Viðskipti innlent Laus störf þrjú prósent á öðrum ársfjórðungi Viðskipti innlent Sesselía yfirgefur Vodafone Viðskipti innlent Fleiri fréttir Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Rafmyntakeisarinn sem reyndist nakinn Stofnandi rafmyntakauphallarinnar FTX var hylltur sem einhvers konar kennifaðir rafmyntarbransans og viðraði sig upp við stórstjörnur og stjórnmálamenn. Allt að milljón fjárfesta og viðskiptavina sitja nú uppi með milljarða dollara tap eftir skyndilegt hrun fyrirtækisins. 27. nóvember 2022 07:01