Hugvíkkandi efni hjálpuðu við að takast á við dauðann Stefán Árni Pálsson og Þórdís Valsdóttir skrifa 30. nóvember 2022 10:30 Ólafur ásamt fjölskyldunni sinni á góðum frídegi. Ólafur Hrafn Ásgeirsson, sextugur kerfisstjóri og fyrrum hnefaleikakappi, greindist með fjórða stigs krabbamein fyrir örfáum árum og eftir að krabbameinið hafi dreifst víða um líkamann ákvað hann að prófa hugvíkkandi efni. Þegar veikindi hans voru komin á þann stað að ljóst var að krabbameinið myndi draga hann til dauða fór hann í athafnir bæði með Suður-ameríska ofskynjunarefninu Ayahuasca og Psilocybin, sem finna má í svokölluðum ofskynjunarsveppum, til þess að takast á við óhjákvæmileg örlög sín. Bæði DMT, sem er virka efnið í Ayahuasca, og Psilocybin eru flokkuð sem ólögleg vímuefni samkvæmt lögum um ávana- og fíkniefni. „Áður en ég byrjaði í þessu ferðalagi með Ayahuasca og sveppinn þá var ég vel undirbúinn og sáttur við hluti. Svolítið sterkur andlega,“ segir Ólafur. Áður en hann veiktist hafði hann fengið áhuga á hugbreytandi efnum, lesið sér til um þau og kveikt áhuga dóttur sinnar um leið. Eftir hvatningu frá fjölskyldu sinni ákvað hann að láta slag standa og leitaði að aðila til að leiða hann í gegnum athafnirnar. Ólafur hefur lengi barist við krabbamein. „Þannig að ég verð tekinn inn í þetta ævintýri með bestu hendur sem ég hef upplifað, þetta er eins og gjöf. Þá er ég ekki að meina að ég þurfti svo mikið á því að halda, en ég þurfti á því að halda samt. Í viðtalinu segir þessi kona að það eigi enginn að deyja án þess að prufa þetta,“ segir Ólafur og bætir við að hann sé þeirrar skoðunar í dag. Hann segist hvetja öll börnin sín sem náð hafa 25 ára aldri til að prófa hugbreytandi efni til þess að gera líf þeirra ríkara, eins og hann orðar það. Ólafur segir að það sé erfitt að koma því í orð hver hans upplifun var en að hann hafi upplifað sjálfan sig sem meiri þátttakanda í lífinu og lýsir því þannig að hann hafi fengið fullvissu um það að allir væru á einhvern hátt samtengdir. „Var ég bara að ímynda mér þetta? Það getur vel verið að þetta séu allt plasma áhrif, allt ímyndun, en þetta hjálpaði mér.“ Umræða um hugbreytandi efni er oft tengd við andleg málefni en Ólafur segist ekki telja sig vera stereotýpu þess sem myndi fara í slíkar athafnir. „Ég er hnefaleikamaður og geng á hörkunni, hef alltaf gert það en hef alltaf haft áhuga á andlegum málum,“ segir Ólafur sem kveðst hafa farið inn í athafnirnar og fræðin að baki þeim fullur efasemda í fyrstu. Á einungis daga eða vikur eftir ólifaða Ólafur greindist með krabbamein fyrir þremur árum síðan og á örfáum árum hefur hann misst heilsuna. „Þetta var ristilkrabbi sem var búinn að dreifa sér og þá fer ég í gegnum alveg svakalegan pakka af geislum og lyfjameðferðum og þetta leit þannig út að allir krabbinn náðist“. Ólafur segir að eftir lyfjagjöf og uppskurð hafi nokkrir mánuðir liðið þar sem læknarnir gátu ekki greint neitt krabbamein í líkamanum, hann hafi verið krabbalaus án þess þó að trúa því fyllilega að svo hafi verið. „En málið er það að það kviknar aftur á krabbanum og ég byrja aftur í baráttunni og í þetta skiptið þegar það kviknar aftur á honum þá er hann að koma aftur í lungun, lifrina og kemur með svolitlum látum,“ segir Ólafur. Fyrir skömmu síðan datt Ólafur, fékk flog og í ljós kom að krabbameinið hafði dreift sér í heila. „Núna erum við bara að telja daga eða vikur,“ segir Ólafur. Óhjákvæmilegt að óttast dauðann Ólafur heldur því fram að allir óttist dauðann upp að einhverju marki en að hann geti þó lagst rólegur á koddann á kvöldin án þess að óttast það að vakna ekki daginn eftir. „Ég held að manneskja væri að ljúga ef hún segðist ekki óttast, eða kvíða dauðanum að einhverju leyti. En ég er ekkert hræddur.“ Rannsóknir John Hopkins háskóla í Bandaríkjunum hafa leitt í ljós að einn skammtur af hugbreytandi efninu Psilocybin í bland við viðtalsmeðferð geti dregið verulega úr þunglyndi og kvíða hjá einstaklingum sem glíma við krabbamein. Rannsóknir benda einnig til þess að notkun Psilocybin geti hjálpað fólki sem á ekki langt eftir við að taka dauðann í sátt. Ólafur stundaði hnefaleika með Bubba Morthens á sínum tíma. Alltaf hraustur. „Þó þú sért sáttur við að deyja og allt, þú ert búinn að vinna í sjálfum þér og allt er fínt þá færðu samt sveiflur og þú ferð aðeins í þunglyndi. Það hefur alveg farið síðan ég fór í þetta, ég er miklu stabílli og mér finnst það alveg hafa horfið,“ segir Ólafur og bætir við að hann sé almennt hress þó veikindin geri það að verkum að hann getur ekki verið eins hress og áður. Krabbameinið er ólæknandi og Ólafur segir að hann muni ekki lifa lengi. „Við erum að tala um vikur, daga, við erum ekki að tala um mánuði,“ segir Ólafur og segir að honum hafi þótt mikilvægt að prófa hugvíkkandi efni áður en dauðinn bankaði upp á. Ólafur segist sáttur við örlög sín, hann sjái ekki eftir því að hafa látið vaða og prófað hugvíkkandi efni. „Ekki fara í gildruna og halda að þetta sé af því að ég er að deyja þá er ég að grípa eitthvað. Ég var í ágætis standi áður en ég fór í þetta, ég þurfti ekkert á þessu að halda þannig lagað. En núna þegar ég er búinn að gera þetta þá veit ég að ég þurfti á þessu að halda.“ Hér að ofan má sjá innslagið í heild sinni en rætt var við Ólaf í Íslandi í dag á Stöð 2 í gærkvöldi. Ísland í dag Hugvíkkandi efni Mest lesið Réði ekki við sig þegar hann hitti Lopez Lífið Skelltu sér úr háloftunum niður í Hörpu Lífið Smekklegasta fólk landsins skálaði í kaffi Lífið Sigga Ózk verður Ariana Grande og flytur til Noregs Tónlist Ein lausn er að liggja hlið við hlið og fróa sér Lífið Fagurt einbýli í hjarta Vesturbæjar Lífið Ekki viss um að mamma hans hefði kosið hann Lífið Leyfir börnunum að sofa uppi í rúmi Lífið Baráttan innra með manni eins og ljós og skuggar Menning Klippt út af myndinni Lífið Fleiri fréttir Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Skelltu sér úr háloftunum niður í Hörpu Klippt út af myndinni Ein litríkasta íbúð landsins til sölu Gæsun Maríu Thelmu tók óvænta U-beygju Gáfu dótturinni þrjú nöfn Stjörnulífið: Brúðkaupsafmæli á hlaupum og lokatónleikar Laufeyjar Var Díana prinsessa myrt? Ráðgjafi Bandaríkjaforseta í Hörpu Fyrsta starfið að fara út með hund Madonnu Tito Jackson er látinn „Hefur þú heyrt söguna af því þegar þú komst í heiminn?“ Ratleikur sem endaði með óvæntu brúðkaupi Ljósmyndaþáttur Ragnars Axelssonar: „Fjöllin hafa vakað lengur en í þúsund ár“ Sex heilnæm heilsuráð inn í haustið Krakkatía vikunnar: Litir, ljón og sjón Ástin blómstrar hjá Erpi og nýju kærustunni á Ítalíu „Höldum áfram þangað til við erum dauðir“ Umdeild stytta af drottningu sögð líkjast grínkarakter Biskupsbústaðurinn seldur Stjarnan Villi vekur athygli Ítala „Ég gerði mér grein fyrir því að ekkert yrði aftur eins og það var“ Matarboð hins fullkomna gestgjafa Reif sig upp frá Mogganum eftir fjörutíu ár Sjá meira
Þegar veikindi hans voru komin á þann stað að ljóst var að krabbameinið myndi draga hann til dauða fór hann í athafnir bæði með Suður-ameríska ofskynjunarefninu Ayahuasca og Psilocybin, sem finna má í svokölluðum ofskynjunarsveppum, til þess að takast á við óhjákvæmileg örlög sín. Bæði DMT, sem er virka efnið í Ayahuasca, og Psilocybin eru flokkuð sem ólögleg vímuefni samkvæmt lögum um ávana- og fíkniefni. „Áður en ég byrjaði í þessu ferðalagi með Ayahuasca og sveppinn þá var ég vel undirbúinn og sáttur við hluti. Svolítið sterkur andlega,“ segir Ólafur. Áður en hann veiktist hafði hann fengið áhuga á hugbreytandi efnum, lesið sér til um þau og kveikt áhuga dóttur sinnar um leið. Eftir hvatningu frá fjölskyldu sinni ákvað hann að láta slag standa og leitaði að aðila til að leiða hann í gegnum athafnirnar. Ólafur hefur lengi barist við krabbamein. „Þannig að ég verð tekinn inn í þetta ævintýri með bestu hendur sem ég hef upplifað, þetta er eins og gjöf. Þá er ég ekki að meina að ég þurfti svo mikið á því að halda, en ég þurfti á því að halda samt. Í viðtalinu segir þessi kona að það eigi enginn að deyja án þess að prufa þetta,“ segir Ólafur og bætir við að hann sé þeirrar skoðunar í dag. Hann segist hvetja öll börnin sín sem náð hafa 25 ára aldri til að prófa hugbreytandi efni til þess að gera líf þeirra ríkara, eins og hann orðar það. Ólafur segir að það sé erfitt að koma því í orð hver hans upplifun var en að hann hafi upplifað sjálfan sig sem meiri þátttakanda í lífinu og lýsir því þannig að hann hafi fengið fullvissu um það að allir væru á einhvern hátt samtengdir. „Var ég bara að ímynda mér þetta? Það getur vel verið að þetta séu allt plasma áhrif, allt ímyndun, en þetta hjálpaði mér.“ Umræða um hugbreytandi efni er oft tengd við andleg málefni en Ólafur segist ekki telja sig vera stereotýpu þess sem myndi fara í slíkar athafnir. „Ég er hnefaleikamaður og geng á hörkunni, hef alltaf gert það en hef alltaf haft áhuga á andlegum málum,“ segir Ólafur sem kveðst hafa farið inn í athafnirnar og fræðin að baki þeim fullur efasemda í fyrstu. Á einungis daga eða vikur eftir ólifaða Ólafur greindist með krabbamein fyrir þremur árum síðan og á örfáum árum hefur hann misst heilsuna. „Þetta var ristilkrabbi sem var búinn að dreifa sér og þá fer ég í gegnum alveg svakalegan pakka af geislum og lyfjameðferðum og þetta leit þannig út að allir krabbinn náðist“. Ólafur segir að eftir lyfjagjöf og uppskurð hafi nokkrir mánuðir liðið þar sem læknarnir gátu ekki greint neitt krabbamein í líkamanum, hann hafi verið krabbalaus án þess þó að trúa því fyllilega að svo hafi verið. „En málið er það að það kviknar aftur á krabbanum og ég byrja aftur í baráttunni og í þetta skiptið þegar það kviknar aftur á honum þá er hann að koma aftur í lungun, lifrina og kemur með svolitlum látum,“ segir Ólafur. Fyrir skömmu síðan datt Ólafur, fékk flog og í ljós kom að krabbameinið hafði dreift sér í heila. „Núna erum við bara að telja daga eða vikur,“ segir Ólafur. Óhjákvæmilegt að óttast dauðann Ólafur heldur því fram að allir óttist dauðann upp að einhverju marki en að hann geti þó lagst rólegur á koddann á kvöldin án þess að óttast það að vakna ekki daginn eftir. „Ég held að manneskja væri að ljúga ef hún segðist ekki óttast, eða kvíða dauðanum að einhverju leyti. En ég er ekkert hræddur.“ Rannsóknir John Hopkins háskóla í Bandaríkjunum hafa leitt í ljós að einn skammtur af hugbreytandi efninu Psilocybin í bland við viðtalsmeðferð geti dregið verulega úr þunglyndi og kvíða hjá einstaklingum sem glíma við krabbamein. Rannsóknir benda einnig til þess að notkun Psilocybin geti hjálpað fólki sem á ekki langt eftir við að taka dauðann í sátt. Ólafur stundaði hnefaleika með Bubba Morthens á sínum tíma. Alltaf hraustur. „Þó þú sért sáttur við að deyja og allt, þú ert búinn að vinna í sjálfum þér og allt er fínt þá færðu samt sveiflur og þú ferð aðeins í þunglyndi. Það hefur alveg farið síðan ég fór í þetta, ég er miklu stabílli og mér finnst það alveg hafa horfið,“ segir Ólafur og bætir við að hann sé almennt hress þó veikindin geri það að verkum að hann getur ekki verið eins hress og áður. Krabbameinið er ólæknandi og Ólafur segir að hann muni ekki lifa lengi. „Við erum að tala um vikur, daga, við erum ekki að tala um mánuði,“ segir Ólafur og segir að honum hafi þótt mikilvægt að prófa hugvíkkandi efni áður en dauðinn bankaði upp á. Ólafur segist sáttur við örlög sín, hann sjái ekki eftir því að hafa látið vaða og prófað hugvíkkandi efni. „Ekki fara í gildruna og halda að þetta sé af því að ég er að deyja þá er ég að grípa eitthvað. Ég var í ágætis standi áður en ég fór í þetta, ég þurfti ekkert á þessu að halda þannig lagað. En núna þegar ég er búinn að gera þetta þá veit ég að ég þurfti á þessu að halda.“ Hér að ofan má sjá innslagið í heild sinni en rætt var við Ólaf í Íslandi í dag á Stöð 2 í gærkvöldi.
Ísland í dag Hugvíkkandi efni Mest lesið Réði ekki við sig þegar hann hitti Lopez Lífið Skelltu sér úr háloftunum niður í Hörpu Lífið Smekklegasta fólk landsins skálaði í kaffi Lífið Sigga Ózk verður Ariana Grande og flytur til Noregs Tónlist Ein lausn er að liggja hlið við hlið og fróa sér Lífið Fagurt einbýli í hjarta Vesturbæjar Lífið Ekki viss um að mamma hans hefði kosið hann Lífið Leyfir börnunum að sofa uppi í rúmi Lífið Baráttan innra með manni eins og ljós og skuggar Menning Klippt út af myndinni Lífið Fleiri fréttir Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Skelltu sér úr háloftunum niður í Hörpu Klippt út af myndinni Ein litríkasta íbúð landsins til sölu Gæsun Maríu Thelmu tók óvænta U-beygju Gáfu dótturinni þrjú nöfn Stjörnulífið: Brúðkaupsafmæli á hlaupum og lokatónleikar Laufeyjar Var Díana prinsessa myrt? Ráðgjafi Bandaríkjaforseta í Hörpu Fyrsta starfið að fara út með hund Madonnu Tito Jackson er látinn „Hefur þú heyrt söguna af því þegar þú komst í heiminn?“ Ratleikur sem endaði með óvæntu brúðkaupi Ljósmyndaþáttur Ragnars Axelssonar: „Fjöllin hafa vakað lengur en í þúsund ár“ Sex heilnæm heilsuráð inn í haustið Krakkatía vikunnar: Litir, ljón og sjón Ástin blómstrar hjá Erpi og nýju kærustunni á Ítalíu „Höldum áfram þangað til við erum dauðir“ Umdeild stytta af drottningu sögð líkjast grínkarakter Biskupsbústaðurinn seldur Stjarnan Villi vekur athygli Ítala „Ég gerði mér grein fyrir því að ekkert yrði aftur eins og það var“ Matarboð hins fullkomna gestgjafa Reif sig upp frá Mogganum eftir fjörutíu ár Sjá meira