Kúmen – svo miklu miklu meira en Stjörnutorg

Kringlan 24. nóvember 2022 16:00

Baldvina Snælaugsdóttir, markaðsstjóri Kringlunnar ræddi við Arnar Gauta.

Það var mikil stemning á Stjörnutorgi í gær þegar veitingasvæðið var formlega kvatt. GústiB var DJ auk þess sem tónlistarmennirnir Birnir, Jón Arnór og Baldur skemmtu. Veitingastaðir buðu upp á tilboð. Gríðarlega góð mæting var á svæðið og vel á annað þúsund gestir komu í gleðina. 400 bíómiðar sem Kringlan dreifði hurfu eins og dögg fyrir sólu. Hjá sumum voru blendnar tilfinningar að kveðja svo rótgróin stað sem á sess í huga margra eftir 23 ár.

Klippa: Kúmen svo miklu miklu meira en Stjörnutorg

Örugglega munu einhverjir sakna torgsins en svo margt spennandi kemur í staðinn að það verður vonandi fljótt að fyrirgefast. Kúmen opnar á næstu dögum. Ástæðan fyrir nafnabreytingu er að 3ja hæðin verður svo miklu meira og stærra konsept en Stjörnutorg nær yfir. Kúmen er áfangastaður sem býður upp á mathöll, upplifun og afþreyingu. Opið verður til kl. níu öll kvöld vikunnar. Mathöllin verður á svæðinu sem hefur verið þekkt sem bíógangurinn. Stjörnutorg lokar og á næsta ári mun rísa þar mjög spennandi afþreyingarsvæði sem án efa verður vinsælt hjá vinahópum, vinnustöðum ofl. Of snemmt er að gefa upp um hvað ræðir.

Í desember opnar síðan glæsilegasti lúxussalur landsins, smíðaður upp úr þaki bíógangsins. Nýtt Ævintýraland, barnagæslusvæði, opnar einnig í desember.

Gangur sem liggur frá 3ju hæð yfir í leikhús og bókasafn, hefur einnig fengið á sig nýja mynd. Nú er hann fagurlega bleikmerktur í hólf og gólf og marglitar regnhlífar í loftinu gefa ganginum ævintýralegan blæ og gott í hjartað fyrir alla sem þar labba í gegn. Pink street Kringlunni er fætt!