SB: Dúndra Berg er leikmaðurinn sem við erum búin að bíða svo spennt eftir

„Birna Berg. Þetta er leikmaðurinn sem við erum búin að bíða svo spennt eftir, að Dúndra Berg fari af stað,“ sagði Svava Kristín Gretarsdóttir, umsjónarkona Seinni bylgjunnar.

„Birna er búin að vera vaxandi í hverjum leik og hún átti frábæran leik þarna,“ sagði Svava Kristín.

„Hún átti geggjaðan leik,“ sagði Sigurlaug Rúnarsdóttir, sérfræðingur Seinni bylgjunnar, sem segir að ÍBV liðið hafi verið að reyna að koma Birnu í gang eftir að hún kom aftur til baka eftir meiðsli.

„Það er verið að reyna að fá hana í flugbrautina og fá upp sjálfstraustið hjá henni. Þetta er fyrsti leikurinn þar sem maður sér glitta í hana,“ sagði Sigurlaug.

„Hún er að koma úr ótrúlega erfiðum meiðslum. Það er þvílík þrautseigja í henni að halda áfram. Þetta er bara geggjað,“ sagði Sigurlaug.

„Er þetta ekki fyrsti leikurinn þar sem við sjáum góðu gömlu Birnu Berg,“ spurði Svava Kristín.

„Mér finnst það. Þetta var svolítið að fara í veginn og fyrsta skotið hennar var í magann á einhverjum varnarmanni. Þarna sér maður hana í réttu ljósi og það eru frábærar fréttir fyrir Eyjastúlkur,“ sagði Sigurlaug.

Það má sjá umfjöllunina um Birnu Berg hér fyrir neðan.