Jarðar­búar nú orðnir átta milljarðar talsins

Sagt er frá þessu á heimasíðu Sameinuðu þjóðanna. Þar segir að fjölgunina síðustu ár megi rekja til þess að meðalævilíkur hafi víða lengst vegna betri lífsskilyrða – bættrar lýðheilsu, næringar, hreinlætis og aðgengi að heilbrigðisþjónustu. Einnig megi rekja fjölgunina til aukinnar fæðingartíðni í sumum heimshlutum.

Tólf ár eru síðan mannfjöldinn rauf sjö milljarða múrinn. Spár gera ráð fyrir að fjöldinn fari í níu milljarða árið 2037, sem sé merki um að það hægi nú nokkuð á fjölguninni. Þá er gert ráð fyrir að tíu milljarða múrinn verði ekki rofinn fyrr en 2080 og að nokkuð eftir það muni mannfjöldinn fara lækkandi.

Síðustu ár og áratugi hefur fjölgunin verið mest í Karíbahafi, Suður-Ameríku og í löndum sunnan Sahara í Afríku.

Ástæða þess að gert sé ráð fyrir að hægja muni á fjölguninni á næstu áratugum er að með aukinni velsæld sé eignist fólk að jafnaði færri börn.

Kína er enn fjölmennasta ríki heims en spár Sameinuðu þjóðanna gera ráð fyrir að Indland taka við þeim titli þegar á næsta ári.