Rasistar og tröll nýta sér tækifærið á Twitter Samúel Karl Ólason skrifar 29. október 2022 13:44 Hvað Elon Musk ætlar sér með Twitter er ekki ljóst enn en hann hefur gefið í skyn að hann vilji bjóða notendum mismunandi upplifun af samfélagsmiðlinum. Getty/Muhammed Selim Korkutata Í kjölfar þess að auðjöfurinn Elon Musk tók yfir stjórn samfélagsmiðilsins Twitter er útlit fyrir að fjölmargir rasistar og nettröll hafi nýtt sér tækifærið til að básúna hatri sínu og leiðindum á samfélagsmiðlinum en Musk segist ætla að leggja mikla áherslu á málfrelsi á Twitter og eru uppi miklar vangaveltur um það hvernig ritstjórn mun fara fram. Nokkrum klukkustundum eftir að Musk lýsti því yfir að hann ætti Twitter dældu þessir rasistar og þessi tröll tístum á Twitter sem innihéldu gyðingahatur, nasisma og rasisma. Bandarísku samtökin Anti-Defamation League eða ADL sögðu í gær að markviss herferð hefði skilað miklu magni af tístum sem innihéldu gyðingahatur og rasisma. Mikið af þessu hefði mátt rekja til hinnar umdeildu síðu 4chan og samfélagsmiðilsins Telegram. Í upprunalegu færslunni á 4chan stóð: „Nú þegar Elon er búinn að taka yfir Twitter er loks kominn tími fyrir okkur að nýta hæfileika okkar“. Þar var fólk hvatt til að rífast við gyðinga á Twitter og líka við rasista-færslur annarra, samkvæmt frétt New York Times. Tónlistarmaðurinn Kanye West var einnig hylltur í áðurnefndri færslu fyrir að hafa „rofið stífluna“. Washington Post segir einnig frá flóði ógeðfelldra tísta í kjölfar yfirtöku Musks. Washington Post sagði nýverið frá því að miðillinn hefði heimildir fyrir því að Musk ætlaði sér að segja upp stórum hluta starfsfólks Twitter. Engum virðist þó hafa verið sagt upp í gær, föstudag, og starfsmenn Twitter segja uppsagnir ekki hafa borið á góma innan veggja fyrirtækisins. Engar breytingar í bili Musk lýsti því yfir í gær að hann ætlaði sér ekki að gera neinar umfangsmiklar breytingar á ritstjórn Twitter að svo stöddu. Eitt hans fyrstu verka yrði að stofna sérstakt ritstjórnarráð og sagði hann að það yrði skipað meðlimum með fjölbreytt sjónarmið. Sjá einnig: Segist ekki hafa beitt sér fyrir endurkomu Ye Notendur Twitter eru rúmlega 230 milljónir talsins, sem er mun minna en hjá helstu samkeppnisaðilum fyrirtækisins eins og Facebook og TikTok. Miðillinn hefur þó alltaf verið mjög áhrifamikill. Óljóst er hvort Musk hugsi sér að áðurnefnt ráð verði svipað því sem forsvarsmenn Facebook hafa stofnað en það ráð á að greina ritstjórnaraðgerðir starfsmanna og leggja mat á það. Musk sendi nýverið frá sér yfirlýsingu til auglýsenda þar sem hann sagði að Twitter yrði ekki að einhvers konar „helvíti þar sem öllum yrði frjálst að gera það sem þeim sýnist“. Í nýlegu tísti frá Musk, þar sem hann svaraði vangaveltum um ritstjórnarráð Twitter og Facebook, sagði Musk að líklega væri best að notendur gætu valið upplifun á Twitter eftir því sem þeir vilja. Vísaði hann til aldurstakmarka á kvikmyndir sem dæmis. Tíst yrðu sett í ákveðinn flokk við birtingu þeirra og þau gætu færst um flokka miðað við það hvernig aðrir notendur flokka þau. Good point. Being able to select which version of Twitter you want is probably better, much as it would be for a movie maturity rating. The rating of the tweet itself could be self-selected, then modified by user feedback.— Elon Musk (@elonmusk) October 29, 2022 Musk svaraði öðru tísti í nótt þar sem notandi lagði til að Twitter yrði skipt upp í mismunandi svæði, eins og tölvuleikur. Eitt svæði yrði eins og hefðbundið Twitter þar sem ritstjórn væri tiltölulega mikil og önnur yrði fyrir nafnlausa reikninga þar sem fólk gæti sagt það sem það vill. Auðjöfurinn sagði að „eitthvað eins og þetta“ gæti verið sniðugt. Something like this makes sense— Elon Musk (@elonmusk) October 29, 2022 Twitter Samfélagsmiðlar Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Vefsíðan hrundi innan tuttugu mínútna Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Nokkrum klukkustundum eftir að Musk lýsti því yfir að hann ætti Twitter dældu þessir rasistar og þessi tröll tístum á Twitter sem innihéldu gyðingahatur, nasisma og rasisma. Bandarísku samtökin Anti-Defamation League eða ADL sögðu í gær að markviss herferð hefði skilað miklu magni af tístum sem innihéldu gyðingahatur og rasisma. Mikið af þessu hefði mátt rekja til hinnar umdeildu síðu 4chan og samfélagsmiðilsins Telegram. Í upprunalegu færslunni á 4chan stóð: „Nú þegar Elon er búinn að taka yfir Twitter er loks kominn tími fyrir okkur að nýta hæfileika okkar“. Þar var fólk hvatt til að rífast við gyðinga á Twitter og líka við rasista-færslur annarra, samkvæmt frétt New York Times. Tónlistarmaðurinn Kanye West var einnig hylltur í áðurnefndri færslu fyrir að hafa „rofið stífluna“. Washington Post segir einnig frá flóði ógeðfelldra tísta í kjölfar yfirtöku Musks. Washington Post sagði nýverið frá því að miðillinn hefði heimildir fyrir því að Musk ætlaði sér að segja upp stórum hluta starfsfólks Twitter. Engum virðist þó hafa verið sagt upp í gær, föstudag, og starfsmenn Twitter segja uppsagnir ekki hafa borið á góma innan veggja fyrirtækisins. Engar breytingar í bili Musk lýsti því yfir í gær að hann ætlaði sér ekki að gera neinar umfangsmiklar breytingar á ritstjórn Twitter að svo stöddu. Eitt hans fyrstu verka yrði að stofna sérstakt ritstjórnarráð og sagði hann að það yrði skipað meðlimum með fjölbreytt sjónarmið. Sjá einnig: Segist ekki hafa beitt sér fyrir endurkomu Ye Notendur Twitter eru rúmlega 230 milljónir talsins, sem er mun minna en hjá helstu samkeppnisaðilum fyrirtækisins eins og Facebook og TikTok. Miðillinn hefur þó alltaf verið mjög áhrifamikill. Óljóst er hvort Musk hugsi sér að áðurnefnt ráð verði svipað því sem forsvarsmenn Facebook hafa stofnað en það ráð á að greina ritstjórnaraðgerðir starfsmanna og leggja mat á það. Musk sendi nýverið frá sér yfirlýsingu til auglýsenda þar sem hann sagði að Twitter yrði ekki að einhvers konar „helvíti þar sem öllum yrði frjálst að gera það sem þeim sýnist“. Í nýlegu tísti frá Musk, þar sem hann svaraði vangaveltum um ritstjórnarráð Twitter og Facebook, sagði Musk að líklega væri best að notendur gætu valið upplifun á Twitter eftir því sem þeir vilja. Vísaði hann til aldurstakmarka á kvikmyndir sem dæmis. Tíst yrðu sett í ákveðinn flokk við birtingu þeirra og þau gætu færst um flokka miðað við það hvernig aðrir notendur flokka þau. Good point. Being able to select which version of Twitter you want is probably better, much as it would be for a movie maturity rating. The rating of the tweet itself could be self-selected, then modified by user feedback.— Elon Musk (@elonmusk) October 29, 2022 Musk svaraði öðru tísti í nótt þar sem notandi lagði til að Twitter yrði skipt upp í mismunandi svæði, eins og tölvuleikur. Eitt svæði yrði eins og hefðbundið Twitter þar sem ritstjórn væri tiltölulega mikil og önnur yrði fyrir nafnlausa reikninga þar sem fólk gæti sagt það sem það vill. Auðjöfurinn sagði að „eitthvað eins og þetta“ gæti verið sniðugt. Something like this makes sense— Elon Musk (@elonmusk) October 29, 2022
Twitter Samfélagsmiðlar Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Vefsíðan hrundi innan tuttugu mínútna Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira