Útvarpsstöð í Rúanda Atli Þór Fanndal skrifar 25. október 2022 13:30 Í Silfrinu á RÚV síðastliðinn sunnudag var álitsgjafi sem ítrekað tók það fram að hann væri alls enginn rasisti en að „lögreglumenn hafi sagt sér að töluverður hluti af því fólki sem hefur verið að koma frá Venesúela tali ekki þarlent tungumál og þurfi arabískan túlk.“ Hann, þessi líka góðhjartaði maður sem er sko enginn ekki rasisti sagði ábúðarfullur að hann væri svo sannarlega ekki að gagnrýna þetta fólk fyrir að vilja koma til draumaríkisins og „ég skil vel að þetta fólk sé að leita að betra lífi.“ Það sem veldur þessum ekki rasista áhyggjum er að fólk sé að redda sér „vegabréf, væntanlega frá einhverjum glæpamilliliðum sem hafa tekið af þeim aleiguna til þess að koma þeim í meira frelsi.“ Auðvitað vill hann hjálpa fólki en „við verðum samt að átta [okkur] á að við getum ekki tekið á móti öllum sem þurfa hjálp.“ Við erum jú bara örfá og „það eru margar milljónir frá allskonar löndum.“ Hér tók hann auðvitað sérstaklega fram að „það er ekki rasismi að segja það sem blasir við.“ Mannúðarvinurinn hefur nefnilega áhyggjur af því að „við erum með yfirfulla bráðadeild á Landspítalanum, gamla fólkið okkar kemst ekki í aðgerðir.“ Því næst spurði hann af ábyrgð; „Ætlum við að vera í stjórnleysi!!!??! Ein þjóða Evrópu!“ Þegar hann var svo spurður hvers vegna hann væri að bera það á borð að hælisleitendur væru að valda hruni stofnana almennings þá vildi hann ekki kannast við það. Hann er jú enginn rasisti og vill taka vel á móti þeim sem hingað koma. Bent á að Rauði krossinn hafi mótmælt þessum hugmyndum stóð ekki á svari. „Rauði krossinn þyrfti líka að velta fyrir fyrir sér hver staða aldraðs fólks á Íslandi; erum við að sinna því nægilega vel. Af hverju eru íslensk börn í mörg ár að bíða eftir greiningu og þjónustu í heilbrigðiskerfinu?“ Hann vildi þó ekki kannast við að vera gera hælisleitendur ábyrga fyrir hruni samfélagsstofnana. Alls ekki! Enda enginn rasisti. Þetta var borið á borð sem staðreyndabundin umræða af Ríkisútvarpinu. Það var sem betur fer einn gestur sem lýsti tilgangi þessa ummæla og andmælti þessum áróðri. „Það sem þú ert að gera er að bera það á borð að fólk sem er að leita sér að hæli sé að brjóta niður þjónustu gagnvart öldruðum og börnum,“ sagði Gunnar Smári Egilsson, formaður framkvæmdastjórnar Sósíalistaflokksins. Hann fékk reyndar skammir fyrir ómálefnalegheit frá þingkonu Sjálfstæðisflokksins Bryndísi Haraldsdóttur sem telur vanda umræðunnar fyrst og fremst felast í gagnrýni á verk Sjálfstæðisflokksins. Slík umræða flokki fólk fólk í góða fólkið og vonda fólkið. Þingkonan á þar ekki við að ómanneskjulegt sé að tala um þá sem hingað leita með þessum hætti. Nei, nei, því er hvíslað innan úr lögreglunni að einhverjir með vegabréf frá Venesúela tali arabísku! Og út frá því má auðvitað álykta að um sé að ræða fólk sem kom hingað á fölskum forsendum en lét ekki framhjá sér fara tækifærið til að ausa fé til glæpamanna. Það hefur allavega ekkert með það að gera að í Venesúela er risastórt arabískumælandi samfélag og sömuleiðis reyndar stór hópur fólks frá Venesúela í Sýrlandi með tvöfaldan ríkisborgararétt. Við meigum ekki láta svona smáatriði þvæla málinu. Það er hvíslað í lögreglunni! Við verðum að þora að fjalla um stóru málin. Það að anda gagnrýni að Sjálfstæðisflokknum er vandinn. Slík umræða flokkar fólk í gott og vont. Það segir hún Bryndís og hún er nýkomin úr námsferð til Danmörku og Noregs og þar er fólk stolt af brottvísinum. En í alveg ótengdum fréttum hefur Sjálfstæðisflokkurinn blásið til landsfundar eftir nokkra daga. Sá fundur er haldinn í skjóli fjárlaga sem sækja alls ekki fram, eru í gríðarlegum halla, halda áfram að veikja tekjustofna ríkissjóðs og þrengja að stofnunum samfélagsins. Íbúðarlánasjóðshneykslis þar sem flokkurinn fer með alla þræði; skapaði vandann, hunsaði rannsóknarnefnd um sjóðinn og gerði ekkert árum saman þrátt fyrir milljarða tap hvern mánuð. Ekki missa svefn yfir þessu því strákarnir eru samt með lausn; tapinu verður bara skellt á lífeyrissjóðina. Skoðanakannanir sýna að stjórnin er fallin. Formaður flokksins hefur minna traust meðal kjósenda en Liz Truss, fyrrverandi forsætisráðherra Bretlands og skýrsla Ríkisendurskoðunar um sölu Íslandsbanka er að detta í hús. Skera á niður til Útlendingamála á næsta ári þrátt fyrir að það sé víst algjört neyðarástand í gangi sem ógni samfélaginu og keyri upp biðraðir barna og gamalmenna. Já og svo er aðhaldskrafa er á löggæslu þrátt fyrir að mannaflsþörf löggæslu hafi ekki verið mætt árum saman. Já, og svo átti nú að skipta út dómsmálaráðherra. Ætli honum langi sérstaklega að víkja? En við verðum auðvitað að hafa þor til að sitja undir og klappa þegar Sjálfstæðisflokkurinn vill segja okkur frá því hvernig fólk í leit að vernd er að kaffæra þetta samfélag. Enga tilfinningasemi á meðan flokkurinn okkar háir stríð gegn mannúð. Höfundur er framkvæmdastjóri Íslandsdeildar Transparency International. Viltu birta grein á Vísi? Sendu okkur póst. Senda grein Hælisleitendur Atli Þór Fanndal Mest lesið Halldór 19.07.2025 Halldór Þetta er allt hinum að kenna! Helgi Brynjarsson Skoðun Opið bréf til fullorðna fólksins Úlfhildur Elísa Hróbjartsdóttir Skoðun Þjóðþrifamálin sem stjórnarandstaðan fórnaði á altari útgerðanna Heimir Már Pétursson Skoðun Sleppir ekki takinu svo auðveldlega aftur Hjörtur J. Guðmundsson Skoðun Vill Sjálfstæðisflokkurinn láta taka sig alvarlega? Dagbjört Hákonardóttir Skoðun Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun Hví borgar útgerðin – ekki malarnáman? Guðmundur Edgarsson Skoðun Óður til opinberra starfsmanna Halla Hrund Logadóttir Skoðun Þjórsá í hættu – Hvammsvirkjun og rof á náttúrulegu ástandi árinnar Gunnar Þór Jónsson Skoðun Skoðun Skoðun Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson skrifar Skoðun Þetta er allt hinum að kenna! Helgi Brynjarsson skrifar Skoðun Þjóðþrifamálin sem stjórnarandstaðan fórnaði á altari útgerðanna Heimir Már Pétursson skrifar Skoðun Sleppir ekki takinu svo auðveldlega aftur Hjörtur J. Guðmundsson skrifar Skoðun Opið bréf til fullorðna fólksins Úlfhildur Elísa Hróbjartsdóttir skrifar Skoðun Vill Sjálfstæðisflokkurinn láta taka sig alvarlega? Dagbjört Hákonardóttir skrifar Skoðun Þjórsá í hættu – Hvammsvirkjun og rof á náttúrulegu ástandi árinnar Gunnar Þór Jónsson skrifar Skoðun Undirbúum börnin fyrir skólann með hjálp gervigreindar Sigvaldi Einarsson skrifar Skoðun Enginn skilinn eftir á götunni Dagmar Valsdóttir skrifar Skoðun Ég hef ofurtrú á manneskjunni í forvörnum og öryggi á bæjarhátíðunum Arnrún María Magnúsdóttir skrifar Skoðun Stúdentar eiga ekki að borga fyrir vanfjármögnun háskólanna Ármann Leifsson,María Björk Stefánsdóttir skrifar Skoðun Hví borgar útgerðin – ekki malarnáman? Guðmundur Edgarsson skrifar Skoðun Vantraust Flokks fólksins á Viðreisn Hjörtur J. Guðmundsson skrifar Skoðun 48 daga blekking: Loforð sem leiðir til lögbrota? Svanur Guðmundsson skrifar Skoðun Frá vinnuþræli til ríkisborgara: Ég er innflytjandi sem þið getið ekki losnað við Ian McDonald skrifar Skoðun Málþóf á kostnað ungs fólks Lísa Margrét Gunnarsdóttir skrifar Skoðun Tóbakslausar nikótínvörur - Tímabært að horfast í augu við staðreyndir Bjarni Freyr Guðmundsson skrifar Skoðun Ómeðvituð vörn í orðræðu – þegar vald ver sjálft sig Þórdís Hólm Filipsdóttir skrifar Skoðun Við krefjumst sanngirni og aðgerð strax Dagmar Valsdóttir skrifar Skoðun Verið öll hjartanlega velkomin á Unglingalandsmót á Egilsstöðum Jónína Brynjólfsdóttir skrifar Skoðun Úrsúla og öryggismálin - Stöndum gegn vígvæðingu Guttormur Þorsteinsson skrifar Skoðun Verðmætatap auðlindagjaldanna – Hverra og hvernig? Haukur V. Alfreðsson skrifar Skoðun Ertu nú alveg viss um að hafa læst hurðinni? Sanna Magdalena Mörtudóttir skrifar Skoðun Sanngirni að brenna 230 milljarða króna? Björn Leví Gunnarsson skrifar Skoðun Strandveiðar eru ekki sóun Örn Pálsson skrifar Skoðun „Ísland mun taka þátt í þvingunaraðgerðum gegn Ísrael náist samstaða fleiri ríkja“ Einar Ólafsson skrifar Skoðun SFS skuldar Sigurjón Þórðarson skrifar Skoðun Hvar er hjálpin sem okkur var lofað? Dagmar Valsdóttir skrifar Skoðun Áform um fleiri strandveiðidaga: Áhættusöm ákvörðun Svanur Guðmundsson skrifar Skoðun Í nafni „sanngirni“ brenndi ríkisstjórn 230 milljörðum – lífeyrir landsmanna fór á bálið Elliði Vignisson skrifar Sjá meira
Í Silfrinu á RÚV síðastliðinn sunnudag var álitsgjafi sem ítrekað tók það fram að hann væri alls enginn rasisti en að „lögreglumenn hafi sagt sér að töluverður hluti af því fólki sem hefur verið að koma frá Venesúela tali ekki þarlent tungumál og þurfi arabískan túlk.“ Hann, þessi líka góðhjartaði maður sem er sko enginn ekki rasisti sagði ábúðarfullur að hann væri svo sannarlega ekki að gagnrýna þetta fólk fyrir að vilja koma til draumaríkisins og „ég skil vel að þetta fólk sé að leita að betra lífi.“ Það sem veldur þessum ekki rasista áhyggjum er að fólk sé að redda sér „vegabréf, væntanlega frá einhverjum glæpamilliliðum sem hafa tekið af þeim aleiguna til þess að koma þeim í meira frelsi.“ Auðvitað vill hann hjálpa fólki en „við verðum samt að átta [okkur] á að við getum ekki tekið á móti öllum sem þurfa hjálp.“ Við erum jú bara örfá og „það eru margar milljónir frá allskonar löndum.“ Hér tók hann auðvitað sérstaklega fram að „það er ekki rasismi að segja það sem blasir við.“ Mannúðarvinurinn hefur nefnilega áhyggjur af því að „við erum með yfirfulla bráðadeild á Landspítalanum, gamla fólkið okkar kemst ekki í aðgerðir.“ Því næst spurði hann af ábyrgð; „Ætlum við að vera í stjórnleysi!!!??! Ein þjóða Evrópu!“ Þegar hann var svo spurður hvers vegna hann væri að bera það á borð að hælisleitendur væru að valda hruni stofnana almennings þá vildi hann ekki kannast við það. Hann er jú enginn rasisti og vill taka vel á móti þeim sem hingað koma. Bent á að Rauði krossinn hafi mótmælt þessum hugmyndum stóð ekki á svari. „Rauði krossinn þyrfti líka að velta fyrir fyrir sér hver staða aldraðs fólks á Íslandi; erum við að sinna því nægilega vel. Af hverju eru íslensk börn í mörg ár að bíða eftir greiningu og þjónustu í heilbrigðiskerfinu?“ Hann vildi þó ekki kannast við að vera gera hælisleitendur ábyrga fyrir hruni samfélagsstofnana. Alls ekki! Enda enginn rasisti. Þetta var borið á borð sem staðreyndabundin umræða af Ríkisútvarpinu. Það var sem betur fer einn gestur sem lýsti tilgangi þessa ummæla og andmælti þessum áróðri. „Það sem þú ert að gera er að bera það á borð að fólk sem er að leita sér að hæli sé að brjóta niður þjónustu gagnvart öldruðum og börnum,“ sagði Gunnar Smári Egilsson, formaður framkvæmdastjórnar Sósíalistaflokksins. Hann fékk reyndar skammir fyrir ómálefnalegheit frá þingkonu Sjálfstæðisflokksins Bryndísi Haraldsdóttur sem telur vanda umræðunnar fyrst og fremst felast í gagnrýni á verk Sjálfstæðisflokksins. Slík umræða flokki fólk fólk í góða fólkið og vonda fólkið. Þingkonan á þar ekki við að ómanneskjulegt sé að tala um þá sem hingað leita með þessum hætti. Nei, nei, því er hvíslað innan úr lögreglunni að einhverjir með vegabréf frá Venesúela tali arabísku! Og út frá því má auðvitað álykta að um sé að ræða fólk sem kom hingað á fölskum forsendum en lét ekki framhjá sér fara tækifærið til að ausa fé til glæpamanna. Það hefur allavega ekkert með það að gera að í Venesúela er risastórt arabískumælandi samfélag og sömuleiðis reyndar stór hópur fólks frá Venesúela í Sýrlandi með tvöfaldan ríkisborgararétt. Við meigum ekki láta svona smáatriði þvæla málinu. Það er hvíslað í lögreglunni! Við verðum að þora að fjalla um stóru málin. Það að anda gagnrýni að Sjálfstæðisflokknum er vandinn. Slík umræða flokkar fólk í gott og vont. Það segir hún Bryndís og hún er nýkomin úr námsferð til Danmörku og Noregs og þar er fólk stolt af brottvísinum. En í alveg ótengdum fréttum hefur Sjálfstæðisflokkurinn blásið til landsfundar eftir nokkra daga. Sá fundur er haldinn í skjóli fjárlaga sem sækja alls ekki fram, eru í gríðarlegum halla, halda áfram að veikja tekjustofna ríkissjóðs og þrengja að stofnunum samfélagsins. Íbúðarlánasjóðshneykslis þar sem flokkurinn fer með alla þræði; skapaði vandann, hunsaði rannsóknarnefnd um sjóðinn og gerði ekkert árum saman þrátt fyrir milljarða tap hvern mánuð. Ekki missa svefn yfir þessu því strákarnir eru samt með lausn; tapinu verður bara skellt á lífeyrissjóðina. Skoðanakannanir sýna að stjórnin er fallin. Formaður flokksins hefur minna traust meðal kjósenda en Liz Truss, fyrrverandi forsætisráðherra Bretlands og skýrsla Ríkisendurskoðunar um sölu Íslandsbanka er að detta í hús. Skera á niður til Útlendingamála á næsta ári þrátt fyrir að það sé víst algjört neyðarástand í gangi sem ógni samfélaginu og keyri upp biðraðir barna og gamalmenna. Já og svo er aðhaldskrafa er á löggæslu þrátt fyrir að mannaflsþörf löggæslu hafi ekki verið mætt árum saman. Já, og svo átti nú að skipta út dómsmálaráðherra. Ætli honum langi sérstaklega að víkja? En við verðum auðvitað að hafa þor til að sitja undir og klappa þegar Sjálfstæðisflokkurinn vill segja okkur frá því hvernig fólk í leit að vernd er að kaffæra þetta samfélag. Enga tilfinningasemi á meðan flokkurinn okkar háir stríð gegn mannúð. Höfundur er framkvæmdastjóri Íslandsdeildar Transparency International.
Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun
Skoðun Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson skrifar
Skoðun Þjóðþrifamálin sem stjórnarandstaðan fórnaði á altari útgerðanna Heimir Már Pétursson skrifar
Skoðun Þjórsá í hættu – Hvammsvirkjun og rof á náttúrulegu ástandi árinnar Gunnar Þór Jónsson skrifar
Skoðun Ég hef ofurtrú á manneskjunni í forvörnum og öryggi á bæjarhátíðunum Arnrún María Magnúsdóttir skrifar
Skoðun Stúdentar eiga ekki að borga fyrir vanfjármögnun háskólanna Ármann Leifsson,María Björk Stefánsdóttir skrifar
Skoðun Frá vinnuþræli til ríkisborgara: Ég er innflytjandi sem þið getið ekki losnað við Ian McDonald skrifar
Skoðun Tóbakslausar nikótínvörur - Tímabært að horfast í augu við staðreyndir Bjarni Freyr Guðmundsson skrifar
Skoðun Verið öll hjartanlega velkomin á Unglingalandsmót á Egilsstöðum Jónína Brynjólfsdóttir skrifar
Skoðun „Ísland mun taka þátt í þvingunaraðgerðum gegn Ísrael náist samstaða fleiri ríkja“ Einar Ólafsson skrifar
Skoðun Í nafni „sanngirni“ brenndi ríkisstjórn 230 milljörðum – lífeyrir landsmanna fór á bálið Elliði Vignisson skrifar
Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun