Nýliðarnir úr botnsætinu eftir jafntefli gegn Brighton

Brighton tók á móti Nottingham Forest í fyrsta leik 11. umferðar ensku úrvalsdeildarinnar í knattspyrnu í kvöld, en ekki er hægt að segja að umferðin hafi hafist á neinni flugeldasýningu.

Heimamenn í Brighton voru sterkari aðilinn í leiknum og reyndu tæplega 20 skot í átt að marki gestanna, en lítið var um opin marktækifæri og leiknum lauk því með markalausu jafntefli.

Brighton situr því nú í sjöunda sæti deildarinnar með 15 stig eftir að hafa leikið tíu leiki, en nýliðar Nottingham Forest lyftur sér upp af botninum og í næst neðsta sæti deildarinnar með sex stig eftir ellefu leiki.