Íslenski boltinn

Flýta og seinka leikjum í Bestu deildinni vegna slæmrar veðurspár um helgina

Óskar Ófeigur Jónsson skrifar
Blikar mæta degi fyrr norður þar sem þeir spilar við KA-menn á mogun en ekki á sunnudaginn. Hér er Kristinn Steindórsson í leik Blika á Akureyri í fyrrasumar.
Blikar mæta degi fyrr norður þar sem þeir spilar við KA-menn á mogun en ekki á sunnudaginn. Hér er Kristinn Steindórsson í leik Blika á Akureyri í fyrrasumar. Vísir/ÓskarÓ

Knattspyrnusamband Íslands hefur gert breytingar á þremur leikjum í úrslitakeppni Bestu deildar karla og bæði fært leiki fram og aftur í tímann.

Slæm veðurspá á sunnudaginn kallar á þessar breytingar.

Leikur KA og Breiðabliks, sem átti að fara fram á Akureyri á sunnudaginn, fer nú fram á morgun laugardag klukkan 14.00.

Leikur ÍBV og Keflavíkur, sem átti að fara fram í Vestmannaeyjum á sunnudaginn, var frestað og fer hann nú fram á mánudaginn klukkan 15.15.

Leikur KR og Vals, sem átti að fara fram á sunnudaginn, fer nú fram á morgun, laugardag, klukkan 14.00.

Eftir stendur að aðeins leikur FH og Leiknis mun fara fram á sunnudaginn en hann hefst klukkan 14.00 í Kaplakrika.

Appelsínugul viðvörun er á Norðurlandi eystra á sunnudaginn og gul viðvörun er á Suðurlandi á sunnudaginn. Það er því full ástæða til að færa leikina af þeim tímum sem veðrið verður sem verst.

Besta deild karla KA Breiðablik KR Valur ÍBV Keflavík ÍF

Mest lesið


Fleiri fréttir

Sjá meira


×

Mest lesið