Fótbolti

Stefán skoraði í stórsigri Silkeborg

Hjörtur Leó Guðjónsson skrifar
Stefán Teitur Þórðarson var á skotskónum í kvöld.
Stefán Teitur Þórðarson var á skotskónum í kvöld. Getty Images

Stefán Teitur Þórðarson var á skotskónum í liði Silkeborg í kvöld er liðið tók á móti FCSB í Sambandsdeild Evrópu. Stefán og félagar unnu öruggan 5-0 sigur, en Stefán skoraði fjórða mark liðsins.

Markið skoraði Stefán á 58. mínútu leiksins eftir að heimamenn í Silkeborg höfðu farið með 3-0 forystu inn í hálfleikinn.

Sigurinn þýðir að liðið er nú með þrjú stig í þriðja sæti B-riðils eftir þrjár umferðir, tveimur stigum fyrir ofan FCSB sem rekur lestina.

Á sama tíma vann West Ham nauman 0-1 sigur gegn Anderlecht í sama riðli þar sem varamaðurinn Gianluca Scamacca skoraði eina mark leiksins þegar um tíu mínútur voru til leiksloka.

West Ham trónir á toppi riðilsins með fullt hús stiga, en Anderlecht situr í öðru sæti með fjögur stig.

Sambandsdeild Evrópu

Mest lesið


Fleiri fréttir

Sjá meira


×

Mest lesið