Handbolti

ÍBV örugglega áfram í Evrópubikarkeppninni

Arnar Geir Halldórsson skrifar
Rúnar Kárason var öflugur í Evrópukeppninni um helgina.
Rúnar Kárason var öflugur í Evrópukeppninni um helgina. Vísir/Vilhelm

Eyjamenn lögðu ísraelska liðið Holon að velli öðru sinni í Vestmannaeyjum í dag og eru komnir áfram í aðra umferð Evrópubikarkeppninnar.

ÍBV vann fyrri leik liðanna í gær með sex marka mun, 41-35, og þeir hleyptu gestunum aldrei fram úr sér í leiknum í Vestmannaeyjum í dag.

Staðan í leikhléi var 16-16 en ÍBV vann að lokum eins marks sigur, 33-32, og vinna því einvígið samanlagt með sjö mörkum.

Líkt og í gær var Rúnar Kárason markahæstur Eyjamanna en hann skoraði sex mörk í dag.

ÍBV mætir úkraínska liðinu Donbas Donetsk í næstu umferð og fara leikirnir fram í kringum mánaðarmótin október-nóvember.

Handbolti ÍBV

Mest lesið


Fleiri fréttir

Sjá meira


×

Mest lesið