Drekagler er glæsilegur íshellir í Kötlujökli

Íshellirinn er í Kötlujökli, eins af nokkrum skriðjöklum úr Mýrdalsjökli, og í jaðri gígs eins öflugasta eldfjalls landsins, Kötlu. Þess er beðið, ef svo má segja, að Katla láti á sér kræla enda virkt eldfjall sem margir segja komið á tía.

Hellirinn tekur stöðugum breytingum en hann ber nafnið Drekagler á sínum tíma vegna þess hvernig ísinn formast í lofti hellisins. Game of Thrones var víst innblástur fyrir nafnið sem ferðaþjónustufyrirtækið Tröllaferðir gáfu hellinum þegar sjónvarpsþættirnir voru hvað vinsælastir. Fyrirtækið gerir út frá Vík í Mýrdal og fer í þriggja tíma hellaferðir með ferðamenn.

Myndir úr smiðju RAX má sjá að neðan.