Fótbolti

Madrídingar völtuðu yfir Celtic í síðari hálfleik | Shaktar Donetsk vann stórsigur

Hjörtur Leó Guðjónsson skrifar
Luka Modric skoraði annað mark Real Madrid í kvöld.
Luka Modric skoraði annað mark Real Madrid í kvöld. MacNicol/Getty Images

Riðlakeppni Meistaradeildar Evrópu hófst í kvöld með átta leikjum. Spánarmeistarar Real Madrid unnu öruggan 0-3 útisigur gegn skoska liðinu Celtic og Shaktar Donetsk gerði góða ferð til Þýskalands og vann 1-4 útisigur gegn RB Leipzig.

Staðan í hálfleik í viðureign Celtic og Real Madrid var enn 0-0 þar sem bæði lið fengu góð færi til að brjóta ísinn. Það voru þó gestirnir fra Madrídarborg sem tóku forystuna þegar Vinicius Jr. kom liðinu yfir með marki á 56. mínútu áður en Luka Modrc breytti stöðunni í 0-2 fjórum mínútum síðar. 

Það var svo Eden Hazard sem gulltryggði sigur Madrídinga þegar hann skoraði þriðja mark liðsins tæpum stundarfjórðungi fyrir leikslok og niðurstaðan því 0-3 sigur Real Madrid.

Í sama riðli heimsótti Shaktar Donetsk lið RB Leipzig þar sem þeir fyrrnefndu unnu góðan 1-4 sigur. Gestirnir í Shaktar tóku forystuna strax á 16. mínútu áður en Mohamed Simakan jafnaði metin á 57. mínutu.

Gestirnir tóku þó forystuna á ný aðeins mínútu síðar og bættu öðrum tveimur mörkum við áður en lokaflautið gall og niðurstaðan því 1-4 sigur Shaktar Donetsk.

Úrslit kvöldsins

E-riðill

Dinamo Zagreb 1-0 Chelsea

FC Salzburg 1-1 AC Milan

F-riðill

Celtic 0-3 Real Madrid

RB Leipzig 1-4 Shaktar Donetsk

G-riðill

Borussia Dortmund 3-0 FC Kaupmannahöfn

Sevilla 0-4 Manchester City

H-riðill

Benfica 2-0 Maccabi Haifa

Paris Saint-Germain 2-1 Juventus

Meistaradeild Evrópu í fótbolta karla

Tengdar fréttir

Mbappé skoraði tvö er PSG vann stórleikinn

Kylian Mbappé skoraði bæði mörk Paris Saint-Germain er liðið vann 2-1 sigur gegn Juventus í stórleik fyrstu umferðar Meistaradeildar Evrópu í kvöld.

Englandsmeistararnir völtuðu fyrir Sevilla

Englandsmeistarar Manchester City unnu afar öruggan 0-4 útisigur er liðið heimsótti Sevilla í fyrstu umferð riðlekppni Meistaradeildar Evrópu í knattspyrnu í kvöld.

Orsic tryggði Dinamo Zagreb óvæntan sigur gegn Chelsea

Mislav Orsic skorapi eina mark leiksins er Dinamo Zagreb tók á móti Chelsea í fyrstu umferð riðlakeppni Meistaradeildar Evrópu í knattspyrnu í kvöld. Lokatölur 1-0 og óvæntur sigur heimamanna því staðreynd.

Mest lesið


Fleiri fréttir

Sjá meira


×

Mest lesið