Valur fer til Tékklands | Skandinavískur Íslendingaslagur

Alls voru 24 lið í pottinum í dag sem munu keppa um tólf laus sæti í riðlakeppni Meistaradeildarinnar sem hefst 

Liðin skiptust í tvær mismunandi leiðir, annars vegar meistaraleið, þar sem eru lið sem urðu landsmeistarar heimafyrir, þar á meðal Valur, og hins vegar deildarleið þar sem eru lið sem unnu sér inn sæti í keppninni með góðum árangri í sinni deild en urðu ekki meistarar.

Sex Íslendingalið voru í pottinum, auk Vals, fjögur í meistaraleiðinni og þrjú í deildarleiðinni. Íslenski landsliðshópurinn í fótbolta hefur því eflaust fylgst spenntur með í morgun en landsliðið undirbýr sig fyrir leik við Hvíta-Rússland á Laugardalsvelli annað kvöld.

Valur dróst gegn Slaviu Prag frá Tékklandi og mun spila fyrri leik liðanna á sínum heimavelli áður en liðið fer til tékknesku höfuðborgarinnar. Svava Rós Guðmundsdóttir, er í liði Brann sem dróst á móti Rosengård, liði Guðrúnar Arnardóttur.

Sara Björk Gunnarsdóttir og liðsfélagar hennar í Juventus fara til Danmerkur og mæta dönsku meisturunum Köge. Glódís Perla Viggósdóttir og Cecilía Rán Rúnarsdóttir mæta Real Sociedad ásamt liðsfélögum sínum í Bayern München.

Diljá Ýr Zomers og Häcken eiga strembið verkefni fyrir höndum er þær mæta Paris Saint-Germain frá Frakklandi og sömu sögu er að segja af Selmu Sól Magnúsdóttur og Rosenborg sem mæta Real Madrid frá Spáni.

Meistaraleið

Vorskla-Kharkiv (Úkraína) - Vllaznia (Albanía

Sarajevo (Bosnía) - Zurich (Sviss)

Rangers (Skotland) - Benfica (Portúgal)

KuPS Kuopio (Finnland) - St. Pölten (Austurríki)

Valur (Ísland) - Slavia Prag (Tékkland)

Brann (Noregur) - Rosengård (Svíþjóð)

Köge (Danmörk) - Juventus (Ítalía)

Deildarleið

Arsenal (England) - Ajax (Holland)

Paris Saint-Germain (Frakkland) - Häcken (Svíþjóð)

Real Sociedad (Spánn) - Bayern München (Þýskaland)

Rosenborg (Noregur) - Real Madrid (Spánn)

Sparta Prag (Tékkland) - Roma (Ítalía)