Erlent

Segir vatn þekja þriðjung landsins

Bjarki Sigurðsson skrifar
Milljónir heimila í Pakistan eru eyðilögð.
Milljónir heimila í Pakistan eru eyðilögð. EPA/Nadeem Khawar

Loftslagsmálaráðherra Pakistan segir vatn þekja þriðjung landsins vegna mikillar rigningar og fjölda flóða þar í landi síðustu vikur. Síðasta sólarhring hafa 75 íbúar landsins látið lífið vegna flóðanna.

Í Pakistan er monsún-tímabil þessa stundina en því fylgir mikil rigning. Rigningin hefur þó aldrei verið jafn mikil og hún er nú og hafa 33 milljónir manna orðið fyrir áhrifum vegna hennar.

Sherry Rehman, loftslagsmálaráðherra landsins, segir í samtali við AFP að landið sé eitt stórt haf þessa stundina. Ástandið hafi aldrei verið jafn slæmt og það er núna.

33 milljónir manna hafa orðið fyrir áhrifum flóðanna í landinu.EPA/Bilawal Arbab

Yfirvöld í landinu eru enn að meta fjárhagslegt tjón flóðanna og rigningarinnar en rúmlega ellefu hundruð manns hafa látið lífið síðan í júní vegna þeirra, einungis síðasta sólarhring létu 75 manns lífið.

Fólk sem býr í fjöllum landsins hefur verið hvatt til að yfirgefa heimili sín svo það verði ekki einangrað þar. Þyrlur hafa flogið ansi margar ferðir með fólk niður til þess að koma þeim í skjól.

„Þorp á eftir þorpi, þurrkað út. Milljónir húsa hafa verið eyðilögð,“ sagði Sharif á sunnudaginn eftir að hafa flogið yfir suðurhluta landsins á sunnudaginn. Suðurhlutinn hefur orðið hvað mest fyrir áhrifum af flóðunum.

Pakistan Náttúruhamfarir

Tengdar fréttir

Pakistanar kalla eftir aðstoð vegna gífurlegra flóða

Ráðamenn í Pakistan segja ríkið nauðsynlega þurfa aðstoð til að bregðast við miklum flóðum þar í landi. Minnst þúsund eru látnir vegna flóðanna og eru þau sögð hafa valdið gífurlegum skaða víðsvegar um landið.

Neyðar­á­standi lýst yfir víða í Pakistan

Hamfaraflóð í Pakistan hafa nú dregið tæplega þúsund manns til dauða síðan í júní. Flóðin eru þau mestu í seinni tíð og þykja sambærileg gríðarlegum flóðum sem urðu í landinu 2010.

Mest lesið


Fleiri fréttir

Sjá meira


×

Mest lesið