Guðmundur í Brim borgar hlutfallslega minna í skatt en fólk með meðaltekjur Gunnar Smári Egilsson skrifar 23. ágúst 2022 07:31 Guðmundur Kristjánsson í Brim var með 3.622.772 kr. í launatekjur á mánuði í fyrra samkvæmt samantekt Stundarinnar, 72.523.173 kr. að meðaltali á mánuði í fjármagnstekjur og því með 76,1 m.kr. í mánaðartekjur. Eða um 913,7 m.kr. á árstekjur, álíka og 207 verkamenn á lágmarkslaunum. Af þessu tekjum borgaði Guðmundur 5,7 m.kr. í útsvar til Seltjarnarness, 11,4 m.kr. í tekjuskatt og 191,5 m.kr. í fjármagnstekjuskatt. 22,83% af tekjum Guðmundar fór í skatt. Í fyrra voru meðallaun á Íslandi 635 þús. kr. á mánuði. Af þeim borgaði fólk 158 þús. kr. í útsvar og tekjuskatt eða 24,93% af tekjum sínum. Guðmundur borgaði því lægra hlutfall af ofurtekjum sínum í skatt en meðal-launamaðurinn. Skattkerfið jafnar ekki út tekjur fólks heldur ýkir tekjumuninn. Hin ríku og tekjumiklu borga hlutfallslega minna en meðalmaðurinn. Tekjur Guðmundar í fyrra jafngilda tekjum 120 manns á meðaltekjum. Ef tekjur Guðmundar hefðu dreifst á 120 manns hefðu þeir borgað samanlagt hærri skatt en Guðmundur gerði. Og Seltjarnarnesbær hefði fengið 125.2 m.kr. í útsvar, ekki bara 5,7 m.kr. þar sem stærsti hluti tekna Guðmundar eru fjármagnstekjur sem bera ekki útsvar. Þetta er auðvitað galið. Þetta er galin niðurstaða þess að hin ríku hafa náð öllum völdum á Íslandi. Þau hafa snúið upp á skattkerfið svo það þjónar þeim einum. Borgar 178 m.kr. minna í skatt á Íslandi en ef hann byggi í Danmörku Á Íslandi borgaði Guðmundur í Brim 208,6 m.kr. í skatta af ofurtekjum sínum. Ef Guðmundur byggi í Danmörku þyrfti hann að borga mun meira: 8,9 m.kr. til sveitarfélagsins, 12,6 m.kr. í tekjuskatt af launatekjum sínum og 365,4 m.kr. í fjármagnstekjuskatt. Samtals 386,9 m.kr. eða 42,34% af tekjum sínum. Mismunurinn er 178,3 m.kr. Þegar ríkisstjórnin kemur saman til að setja saman fjárlög er fyrsta ákvörðunin að innheimta ekki þennan skatt hjá Guðmundi né fólki í hans stöðu, ekki að nýta þá til að byggja upp velferðarríki á Íslandi heldur að gefa Guðmundi þetta fé. Skattaafsláttur til Guðmundar miðað við danskan skatt er það sama og 52 öryrkjar fá frá Tryggingastofnun á ári. Borgar 382 m.kr. minna í skatt á Íslandi en ef hann byggi í Noregi Fjármagnstekjuskattur er hærri í Danmörku en bæði í Noregi og Svíþjóð. Það byggir m.a. annars á því að í Danmörku er enginn auðlegðarskattur en í hinum löndunum er lagður skattur á eignir auk þess sem tekjur af þessum eignum, þ.e. fjármagnstekjur, eru skattlagðar. Ef Guðmundur byggi í Noregi væri útsvar, tekjuskattur og fjármagnstekjuskattur 85 m.kr. hærri en hér, en síðan legðist 0,85% auðlegðarskattur á hreina eign Guðmundar umfram 21,6 m.kr. Nú veit ég ekki hver hrein eign Guðmundar er, en eigið fé Útgerðarfélags Reykjavíkur sem hann á og sem á síðan rúman 1/3 í Brim ásamt miklum öðrum eignum, er um 35 milljarðar króna í dag. Ef við tökum aðeins þá eign myndi 297,3 m.kr. bætast ofan á skattgreiðslur hins norska Guðmundar. Hann myndi borga í norskan skatt samtals um 382,3 m.kr. meira en hann gerir hér heima. Borgar 499 m.kr. minna í skatt á Íslandi en ef hann byggi í Svíþjóð Og í Svíþjóð væri útsvarið, tekjuskatturinn og fjármagnstekjurnar 72,9 m.kr. hærri en hér heima en síðan legðist 1,5% skattur á hreina eign Guðmundar umfram 6.615 m.kr. Það gera 425,8 m.kr. ef áætlun okkar um 35 milljarða króna hreina eign er rétt. Heildarskattgreiðslur hins sænska Guðmundar væru þá 498,6 m.kr. hærri en þær eru á Íslandi. Ef við drögum þetta saman þá borgar auðmaður á borð við Guðmund í Brim skatt sem er 22,83% af tekjum hans á Íslandi, 42,34% í Danmörku, 64,67% í Noregi og 77,40% í Svíþjóð. Þið skulið samt ekki ráða of mikið í þessi hlutföll, horfið frekar til upphæðanna sem ég hef týnt til. Málið er að ef að hér væri auðlegðarskattur myndi Guðmundur borga sér hærri arð til að standa skil á skattinum og þá lækkuðu hlutföllin í Noregi og Svíþjóð, þar sem þau taka mið af tekjum. Þetta er tilgangur auðlegðarskatts, að draga úr hraðri eignamyndun hinna ríku. Skatturinn í Svíþjóð og Noregi kemur ekki í veg fyrir að hin ríku eignist á endanum allt, en hann seinkar því nokkuð. Ísland er nýfrjálshyggjuslömm Það er áhugavert við þennan norræna samanburð að Danmörk er með hæsta fjármagnstekjuskatt á Norðurlöndum þar sem þar er enginn auðlegðarskattur. Ísland er hins vegar með lægsta fjármagnstekjuskattinn en samt engan auðlegðarskatt. Við erum nýfrjálshyggjuslömm. Hér grotna niður innviðir og grunnkerfi samfélagsins vegna þess að stjórnvöld innheimta ekki skatta af hinum ríku. Þau styðja hin ríku, ekki samfélagið. Dæmið af Guðmundi á allt eins við um aðra af tekjuhæstu Íslendingunum. Ég nota Guðmund hér sem dæmi vegna þess að flestir vita hver hann er og tekjur hans eru ekki tilkomnar vegna einskiptis sölu á fyrirtæki, eins og á við um marga sem eru efst á tekjulistanum. En í lokin: Ofurtekjur sínar byggir Guðmundur á aðgengi að auðlindum sjávar, sem í orði kveðnu eru eign íslensku þjóðarinnar. Í fyrra greiddi Brim 744 m.kr. í veiðigjöld fyrir afnot af auðlindinni. Það er lægri upphæð en Guðmundur greiddi sjálfum sér í fjármagnstekjur. Höfundur er félagi í Sósíalistaflokknum Viltu birta grein á Vísi? Sendu okkur póst. Senda grein Gunnar Smári Egilsson Skattar og tollar Brim Sjávarútvegur Sósíalistaflokkurinn Mest lesið Skilur Guðlaugur Þór orkumál? Snæbjörn Guðmundsson Skoðun Hið gleymda helvíti á jörðu Diljá Mist Einarsdóttir Skoðun Fyrirtæki og stofnanir á Íslandi mega lögum samkvæmt ekki eiga viðskipti við Rapyd Björn B Björnsson Skoðun Að brúa bil: Hlutverk pólitískrar orðræðu í félagslegri samheldni Nicole Leigh Mosty Skoðun Genagallaður almenningur? Örn Karlsson Skoðun Atlaga að kjarasamningum Halla Gunnarsdóttir Skoðun Vindur í eigu þjóðar Guðmundur Ingi Guðbrandsson Skoðun DNA verðbólgunnar Þorgerður Katrín Gunnarsdóttir Skoðun Gulldrengir Landspítala (Ekki KSÍ): Sönn saga um spillingu Sigurlaug Guðrún Kristjánsdóttir Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Skoðun Skoðun Mikilvægi þess að taka húsnæðisliðinn úr neysluvísitölunni Anton Guðmundsson skrifar Skoðun Heilbrigðiskerfið í stórasta landi í heimi Anna Kristjana Helgadóttir skrifar Skoðun Eins og barinn hundur Einar Helgason skrifar Skoðun DNA verðbólgunnar Þorgerður Katrín Gunnarsdóttir skrifar Skoðun Atlaga að kjarasamningum Halla Gunnarsdóttir skrifar Skoðun Genagallaður almenningur? Örn Karlsson skrifar Skoðun Fyrirtæki og stofnanir á Íslandi mega lögum samkvæmt ekki eiga viðskipti við Rapyd Björn B Björnsson skrifar Skoðun Að brúa bil: Hlutverk pólitískrar orðræðu í félagslegri samheldni Nicole Leigh Mosty skrifar Skoðun Hið gleymda helvíti á jörðu Diljá Mist Einarsdóttir skrifar Skoðun Skilur Guðlaugur Þór orkumál? Snæbjörn Guðmundsson skrifar Skoðun Vindur í eigu þjóðar Guðmundur Ingi Guðbrandsson skrifar Skoðun Neyðarástand í boði Seðlabankans og ríkisstjórnarinnar Ásthildur Lóa Þórsdóttir,Inga Sæland skrifar Skoðun Forvarnir gegn ofbeldi: Samfélagsátak í upphafi skólaárs Alfa Jóhannsdóttir skrifar Skoðun Bjartsýnt og betra samfélag Svandís Svavarsdóttir skrifar Skoðun Það er alltaf von: Samtökin ‘78 styðja Píeta Bjarndís Helga Tómasdóttir skrifar Skoðun Lítil grein um stóran sáttmála Sigurður Ingi Jóhannsson skrifar Skoðun Það er komið að okkur! Friðjón R. Friðjónsson skrifar Skoðun Nýtt viðhorf í húsnæðismálum Kjartan Helgi Ólafsson skrifar Skoðun Fór út fyrir umboð sitt Hjörtur J. Guðmundsson skrifar Skoðun „Áhrifavaldar“ og „Sauðirnir“ sem fylgja þeim Guðmunda G. Guðmundsdóttir skrifar Skoðun „...nema sveitarstjórnir og lögregla“ Kristín Magnúsdóttir skrifar Skoðun Sjónarhornið er það sem skiptir mestu Anton McKee skrifar Skoðun Ég er eins og ég er Sólveig Sigurðardóttir skrifar Skoðun Brúin yfir Fossvog Sigurður Oddsson skrifar Skoðun Kominn tími til að laga lýðræðishallann og skapa traust til stjórnmálanna Magnea Marinósdóttir skrifar Skoðun Var jafnrétti í heiðri haft af ráðherra jafnréttismála? Erna Guðmundsdóttir skrifar Skoðun Má fjársýslan semja við Rapyd? Gunnar Már Gunnarsson,Sindri Kristjánsson skrifar Skoðun Gulldrengir Landspítala (Ekki KSÍ): Sönn saga um spillingu Sigurlaug Guðrún Kristjánsdóttir skrifar Skoðun Byggja upp eða pakka? Gerður Gestsdóttir Valgerðardóttir skrifar Skoðun Loftslagsaðgerðir í sátt við líffræðilega fjölbreytni Rannveig Magnúsdóttir, Guðrún Schmidt skrifar Sjá meira
Guðmundur Kristjánsson í Brim var með 3.622.772 kr. í launatekjur á mánuði í fyrra samkvæmt samantekt Stundarinnar, 72.523.173 kr. að meðaltali á mánuði í fjármagnstekjur og því með 76,1 m.kr. í mánaðartekjur. Eða um 913,7 m.kr. á árstekjur, álíka og 207 verkamenn á lágmarkslaunum. Af þessu tekjum borgaði Guðmundur 5,7 m.kr. í útsvar til Seltjarnarness, 11,4 m.kr. í tekjuskatt og 191,5 m.kr. í fjármagnstekjuskatt. 22,83% af tekjum Guðmundar fór í skatt. Í fyrra voru meðallaun á Íslandi 635 þús. kr. á mánuði. Af þeim borgaði fólk 158 þús. kr. í útsvar og tekjuskatt eða 24,93% af tekjum sínum. Guðmundur borgaði því lægra hlutfall af ofurtekjum sínum í skatt en meðal-launamaðurinn. Skattkerfið jafnar ekki út tekjur fólks heldur ýkir tekjumuninn. Hin ríku og tekjumiklu borga hlutfallslega minna en meðalmaðurinn. Tekjur Guðmundar í fyrra jafngilda tekjum 120 manns á meðaltekjum. Ef tekjur Guðmundar hefðu dreifst á 120 manns hefðu þeir borgað samanlagt hærri skatt en Guðmundur gerði. Og Seltjarnarnesbær hefði fengið 125.2 m.kr. í útsvar, ekki bara 5,7 m.kr. þar sem stærsti hluti tekna Guðmundar eru fjármagnstekjur sem bera ekki útsvar. Þetta er auðvitað galið. Þetta er galin niðurstaða þess að hin ríku hafa náð öllum völdum á Íslandi. Þau hafa snúið upp á skattkerfið svo það þjónar þeim einum. Borgar 178 m.kr. minna í skatt á Íslandi en ef hann byggi í Danmörku Á Íslandi borgaði Guðmundur í Brim 208,6 m.kr. í skatta af ofurtekjum sínum. Ef Guðmundur byggi í Danmörku þyrfti hann að borga mun meira: 8,9 m.kr. til sveitarfélagsins, 12,6 m.kr. í tekjuskatt af launatekjum sínum og 365,4 m.kr. í fjármagnstekjuskatt. Samtals 386,9 m.kr. eða 42,34% af tekjum sínum. Mismunurinn er 178,3 m.kr. Þegar ríkisstjórnin kemur saman til að setja saman fjárlög er fyrsta ákvörðunin að innheimta ekki þennan skatt hjá Guðmundi né fólki í hans stöðu, ekki að nýta þá til að byggja upp velferðarríki á Íslandi heldur að gefa Guðmundi þetta fé. Skattaafsláttur til Guðmundar miðað við danskan skatt er það sama og 52 öryrkjar fá frá Tryggingastofnun á ári. Borgar 382 m.kr. minna í skatt á Íslandi en ef hann byggi í Noregi Fjármagnstekjuskattur er hærri í Danmörku en bæði í Noregi og Svíþjóð. Það byggir m.a. annars á því að í Danmörku er enginn auðlegðarskattur en í hinum löndunum er lagður skattur á eignir auk þess sem tekjur af þessum eignum, þ.e. fjármagnstekjur, eru skattlagðar. Ef Guðmundur byggi í Noregi væri útsvar, tekjuskattur og fjármagnstekjuskattur 85 m.kr. hærri en hér, en síðan legðist 0,85% auðlegðarskattur á hreina eign Guðmundar umfram 21,6 m.kr. Nú veit ég ekki hver hrein eign Guðmundar er, en eigið fé Útgerðarfélags Reykjavíkur sem hann á og sem á síðan rúman 1/3 í Brim ásamt miklum öðrum eignum, er um 35 milljarðar króna í dag. Ef við tökum aðeins þá eign myndi 297,3 m.kr. bætast ofan á skattgreiðslur hins norska Guðmundar. Hann myndi borga í norskan skatt samtals um 382,3 m.kr. meira en hann gerir hér heima. Borgar 499 m.kr. minna í skatt á Íslandi en ef hann byggi í Svíþjóð Og í Svíþjóð væri útsvarið, tekjuskatturinn og fjármagnstekjurnar 72,9 m.kr. hærri en hér heima en síðan legðist 1,5% skattur á hreina eign Guðmundar umfram 6.615 m.kr. Það gera 425,8 m.kr. ef áætlun okkar um 35 milljarða króna hreina eign er rétt. Heildarskattgreiðslur hins sænska Guðmundar væru þá 498,6 m.kr. hærri en þær eru á Íslandi. Ef við drögum þetta saman þá borgar auðmaður á borð við Guðmund í Brim skatt sem er 22,83% af tekjum hans á Íslandi, 42,34% í Danmörku, 64,67% í Noregi og 77,40% í Svíþjóð. Þið skulið samt ekki ráða of mikið í þessi hlutföll, horfið frekar til upphæðanna sem ég hef týnt til. Málið er að ef að hér væri auðlegðarskattur myndi Guðmundur borga sér hærri arð til að standa skil á skattinum og þá lækkuðu hlutföllin í Noregi og Svíþjóð, þar sem þau taka mið af tekjum. Þetta er tilgangur auðlegðarskatts, að draga úr hraðri eignamyndun hinna ríku. Skatturinn í Svíþjóð og Noregi kemur ekki í veg fyrir að hin ríku eignist á endanum allt, en hann seinkar því nokkuð. Ísland er nýfrjálshyggjuslömm Það er áhugavert við þennan norræna samanburð að Danmörk er með hæsta fjármagnstekjuskatt á Norðurlöndum þar sem þar er enginn auðlegðarskattur. Ísland er hins vegar með lægsta fjármagnstekjuskattinn en samt engan auðlegðarskatt. Við erum nýfrjálshyggjuslömm. Hér grotna niður innviðir og grunnkerfi samfélagsins vegna þess að stjórnvöld innheimta ekki skatta af hinum ríku. Þau styðja hin ríku, ekki samfélagið. Dæmið af Guðmundi á allt eins við um aðra af tekjuhæstu Íslendingunum. Ég nota Guðmund hér sem dæmi vegna þess að flestir vita hver hann er og tekjur hans eru ekki tilkomnar vegna einskiptis sölu á fyrirtæki, eins og á við um marga sem eru efst á tekjulistanum. En í lokin: Ofurtekjur sínar byggir Guðmundur á aðgengi að auðlindum sjávar, sem í orði kveðnu eru eign íslensku þjóðarinnar. Í fyrra greiddi Brim 744 m.kr. í veiðigjöld fyrir afnot af auðlindinni. Það er lægri upphæð en Guðmundur greiddi sjálfum sér í fjármagnstekjur. Höfundur er félagi í Sósíalistaflokknum
Fyrirtæki og stofnanir á Íslandi mega lögum samkvæmt ekki eiga viðskipti við Rapyd Björn B Björnsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Skoðun Fyrirtæki og stofnanir á Íslandi mega lögum samkvæmt ekki eiga viðskipti við Rapyd Björn B Björnsson skrifar
Skoðun Að brúa bil: Hlutverk pólitískrar orðræðu í félagslegri samheldni Nicole Leigh Mosty skrifar
Skoðun Neyðarástand í boði Seðlabankans og ríkisstjórnarinnar Ásthildur Lóa Þórsdóttir,Inga Sæland skrifar
Skoðun Kominn tími til að laga lýðræðishallann og skapa traust til stjórnmálanna Magnea Marinósdóttir skrifar
Skoðun Gulldrengir Landspítala (Ekki KSÍ): Sönn saga um spillingu Sigurlaug Guðrún Kristjánsdóttir skrifar
Skoðun Loftslagsaðgerðir í sátt við líffræðilega fjölbreytni Rannveig Magnúsdóttir, Guðrún Schmidt skrifar
Fyrirtæki og stofnanir á Íslandi mega lögum samkvæmt ekki eiga viðskipti við Rapyd Björn B Björnsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun