Fótbolti

Barca og Real Madrid á sigurbraut

Arnar Geir Halldórsson skrifar
Nýi sóknardúettinn í Katalóníu.
Nýi sóknardúettinn í Katalóníu. vísir/Getty

Spænsku stórveldin Real Madrid og Barcelona eru að nálgast lokaundirbúning sinn fyrir spænsku úrvalsdeildina sem hefst um miðjan ágústmánuð.

Bæði lið eru stödd í Bandaríkjunum og léku æfingaleiki í gærkvöldi.

Real Madrid lagði Juventus að velli með tveimur mörkum gegn engu þar sem Karim Benzema og Marco Asensio voru á skotskónum en enginn nýr leikmaður var í byrjunarliði Real Madrid á meðan Angel Di Maria og Gleison Bremer eru að aðlagast nýjum samherjum hjá Juventus.

Barcelona heimsótti New York Red Bulls og tefldi fram Robert Lewandowski, Raphinha og Andreas Christensen í byrjunarliði.

Leiknum lauk með 2-0 sigri Barcelona þar sem Ousmane Dembele og Memphis Depay sáu um markaskorun. 

Spænski boltinn

Mest lesið


Fleiri fréttir

Sjá meira


×

Mest lesið