Glúmur, Vigdís Hauksdóttir og Karl Gauti reyna nú við Voga

Magnús Jochum Pálsson skrifar 20. júlí 2022 10:22

Glumur, Karl Gauti og Vigdís hafa öll sótt um aðrar sveitarstjórastöður sem hafa verið auglýstar nýlega. Kannski hreppir eitt þeirra bæjarstjórastöðuna í þetta skiptið. Samsett

Alls sóttu fjörutíu um stöðu bæjarstjóra í Vogum á Vatnsleysuströnd sem auglýst var til umsóknar á dögunum. Nýr bæjarstjóri mun taka við stöðunni af Ásgeiri Eiríkssyni sem gegndi stöðunni síðastliðin ellefu ár.

Umsóknarfrestur um starf bæjarstjóra rann út þann 10. júlí síðastliðinn en alls bárust 40 umsóknir um starfið, en fimm umsækjendur drógu umsókn sína til baka. Í hópi umsækjanda er fjöldi einstaklinga sem hafa gegnt stöðu bæjar- eða sveitarstjóra í öðrum sveitarfélögum.

Meðal umsækjenda eru einnig Vigdís Hauksdóttir, Karl Gauti Hjaltason og Glúmur Baldvinsson sem hafa öll sótt um aðrar sveitarstjórastöður sem hafa verið auglýstar.

Sérstaklega hefur Glúmur vakið athygli en hann sótti um allar ellefu sveitarstjórastöðurnar sem voru auglýstar eftir síðustu sveitarstjórnarkosningar. Sjálfur lýsti hann umsóknum sínum sem rannsókn og að niðurstaðan af henni væri að á „Íslandi áttu ekki sjens sama hversu vel menntaður þú ert eða vel reyndur og sjóaður ef þú tilheyrir ekki rétta flokknum.“

Umsækjendur fyrir stöðu bæjarstjóra í Vogum eru eftirtaldir:

Ásdís Hlöðversdóttir, framkvæmdastjóri
Baldur Þórir Guðmundsson, sérfræðingur
Björg Erlingsdóttir, fyrrv. sveitarstjóri
Björn Óli Ö. Hauksson, ráðgjafi
Daníel Arason, forstöðumaður
Einar Kristján Jónsson, fyrrv. sveitarstjóri
Elías Pétursson, fyrrv. bæjarstjóri
Gísli Þór Gíslason, viðskiptafræðingur
Glúmur Baldvinsson, sjálfstætt starfandi
Gunnar Axel Axelsson, deildarstjóri
Gunnar Júlíus Helgason, framkvæmdastjóri
Haraldur Helgason, verkstjóri
Helga Birna Ingimundardóttir, framkvæmdastjóri
Hildigunnur Jónasdóttir, lögfræðingur
Ingvi Már Guðnason, verkstjóri
Jasmina Vajzovic Crnac, deildarstjóri og fyrrum varabæjarfulltrúi
Jón Sveinsson, húsvörður
Jón Bjarni Steinsson, framkvæmdastjóri
Jón Eggert Guðmundsson, kerfisstjóri
Júlíus Þór Gunnarsson, sjálfstætt starfandi
Karl Gauti Hjaltason, fyrrv. Alþingismaður
Konráð Gylfason, framkvæmdastjóri
Kristinn Óskarsson, mannauðsstjóri
Lína Björg Tryggvadóttir, skrifstofustjóri
Roy Albrecht, blaðberi
Sigurður Erlingsson, fyrrv. sparisjóðsstjóri
Sigurður Ragnarsson, framkvæmdastjóri
Silja Dögg Gunnarsdóttir, fyrrv. Alþingismaður og viðskiptafræðingur
Valdimar O. Hermannsson, starfandi sveitarstjóri
Vigdís Hauksdóttir, fyrrv. borgarfulltrúi
Viggó E. Viðarsson, flokksstjóri
Þorsteinn Þorsteinsson, deildarstjóri
Örn Haukur Magnússon, framkvæmdastjóri
Örvar Þór Ólafsson, framkvæmdastjóri
Þórdís Sif Sigurðardóttir, fyrrv. sveitarstjóri

Vogar Sveitarstjórnarkosningar 2022

Tengdar fréttir

Hættur í Vogum eftir rúm tíu ár

Ásgeir Eiríksson, fráfarandi bæjarstjóri Voga á Vatnsleysuströnd, hefur ákveðið að segja það gott eftir ellefu ár í starfinu. Sveitarfélagið auglýsir nú eftir nýjum bæjarstjóra til að leiða „áframhaldandi uppbyggingu í ört stækkandi sveitarfélagi.“

3. júlí 2022 10:48

Mest lesið

Fleiri fréttir