Bylgjulestin ferðast björt og brosandi um landið í sumar

Sigga Lund er lestarstjóri

Bylgjulestin ferðaðist síðast um landið með Hemma Gunn og Svansí fyrir tíu árum síðan. Síðan þá hefur Sumarferðalag Bylgjunnar verið á dagskrá á sumrin en þetta sumarið verður það útvarpskonan Sigga Lund sem sér um dagskrágerð og lestarstjórn Bylgjulestarinnar. 

Með henni um landið verða Svali Kaldalóns, Vala Eiríks, Kristín Ruth, Ósk Gunnars og Gústi B og Reykjavík síðdegis tekur einnig nokkrar helgar.

Akranes var fyrsti viðkomustaðurinn

Fyrsti viðkomustaðurinn var Akranes þar sem Bylgjulestin og samstarfsaðilar voru á Akratorgi frá klukkan tólf á hádegi með hoppukastala og voru nokkrir vinsælustu matarvagnar landsins frá Götubitanum mættir á svæðið.

Lestin mun koma víða við í sumar en hér að neðan má sjá dagskránna:

• 25. júní á Humarhátíð á Höfn
• 2. júlí á Akureyri,
• 9. júlí á Landsmóti Hestamanna á Hellu
• 16. júlí á Egilsstöðum
• 23. júlí á Flateyri, Vestfjörðum.

#Bylgjulestin

Bylgjulestin er með skemmtilegan leik í gangi á Instagram sem gengur út á það að sjá Ísland með augum hlustenda. Hlustendur eru hvattir til þess að setja inn myndir af sínu ferðalagi og merkja þær með myllumrekinu: #bylgjulestin. Sigga Lund mun velja skemmtilegar myndir hverja helgi í sumar og verðlauna þær.

Hér að neðan má sjá myndir af stemningunni sem myndaðist á Akranesi um helgina: