Kvöldfréttir Stöðvar 2

Fjallað verður nánar um málið í kvöldfréttum og fylgst með umræðum á Alþingi en fjármálaráðherra mælti í dag fyrir frumvarpi sem felur í sér mótvægisaðgerðir gegn verðbólgunni, líkt og greiðslu barnabótaauka.

Þá tökum við stöðuna á pólitíkinni en meirihlutaviðræður standa yfir um land allt eftir kosningar. Við kynnum við okkur einnig viðamiklar rannsóknir sem standa yfir á ókyrrð í kringum hugsanlegt flugvallarstæði í Hvassahrauni, þar sem fjallabylgjur gætu hugsanlega skapað hættulegt niðurstreymi.

Einnig kíkjum við í Hússtjórnarskólann þar sem skólameistari til áratuga skilaði lyklum og góðu búi til nýs eftirmanns í dag, sem lofar að halda í hefðir lærimóður sinnar.

Þetta og margt fleira á samtengdum rásum Bylgjunnar og Stöðvar 2 klukkan 18:30.