Messi henti Conor af toppi tekjulistans

Á síðasta ári þénaði Messi samtals 107 milljónir punda. Þar af voru 45 milljónir vegna hvers kyns styrktarsamninga.

Messi var í 2. sæti tekjulista Forbes á síðasta ári en hoppaði upp í toppsætið sem Conor sat síðast í. Að þessu sinni er Conor ekki einu sinni meðal tíu tekjuhæstu íþróttamanna heims. Hann hefur ekki barist síðan síðasta sumar.

Körfuboltamaðurinn LeBron James er í 2. sæti tekjulistans en hann þénaði 99 milljónir punda á síðasta ári. Hann bætti þar með eigið met, sem hann setti í fyrra, um tuttug milljónir punda.

Cristiano Ronaldo, leikmaður Manchester United og portúgalska landsliðsins, er í 3. sæti tekjulistans með 94 milljónir punda. Neymar er í 4. sætinu og Stephen Curry í því fimmta.

Tíu tekjuhæstu íþróttamenn heims á síðasta ári