Hin Engeyska hagspeki er tóm tjara Gunnar Smári Egilsson skrifar 2. maí 2022 07:15 Bjarni Benediktsson hefur haldið því fram að hann hafi búið til peninga fyrir almenning með því að selja eigur almennings með afslætti, meðal annars til pabba síns. Getur þetta verið? Getur Bjarni búið til peninga úr engu, skapað verðmæti sem áður voru ekki til? Ríkissjóður hefur haft miklar tekjur af Íslandsbanka Ríkissjóður eignaðist 95% af hlutafé Íslandsbanka í ársbyrjun 2016 sem gjald fyrir að losa erlenda vogunarsjóði úr gjaldeyrishöftum, svokallaða hrægamma. Í árslok 2015 var eigið fé hluthafa Íslandsbanka 198,3 milljarðar króna. Það eru 246,4 milljarðar króna á núvirði. Í árslok 2021 var eigið fé hluthafa Íslandsbanka 203,7 milljarðar. Eigið féð hefur því skroppið saman um 42,7 milljarða króna á núvirði. Það er þó ekki hægt að segja að ríkissjóður hafi tapað þessu fé því á þessum árum. Frá ársbyrjun 2016, hefur Íslandsbanki greitt 87,3 milljarða króna á núvirði í ríkissjóð í arð og auk þess 17,6 milljarð króna í sérstakan bankaskatt, sem nú er að mestu búið að leggja af til að auka söluhæfi hlutabréfa í Íslandsbanka og Landsbanka. Samanlagt framlag Íslandsbanka í ríkissjóðs var því 104,9 milljarðar króna á núvirði, um 17,5 milljarður á ári að meðaltali. Arður frá Íslandsbanka var á núvirði að meðaltali árlega um 14,5 milljarðar þessi ár. Áður en bankaskatturinn var skertur borgaði Íslandsbanki árlega um 3,7 milljarða króna á núvirði í sérstakan bankaskatt. Ef engin áform væru uppi um að selja hluti ríkissjóðs hefði mátt að ósekju halda hinum sérstaka bankaskatti óskertum. Arður og bankaskattur væri þá líklega um 18,2 milljarðar króna á ári, miðað við meðaltal undanfarinna ára. Mikil verðmæti seld fyrir á undirverði Bjarni & bankasýslan hefur selt 57,5% af hlut ríkissjóðs á um 111,5 milljarða króna í tveimur útboðum og greitt fyrir það um 2,5 milljarða króna í þóknun til verðbréfamiðlara sem sáu um söluna. Nettósöluverð er því um 109,0 milljarðar króna. Markaðsvirði þessa hlutar er í dag 143,3 milljaðrar króna. Það er 34,3 milljörðum króna minna en Bjarni fékk fyrir hlutinn. Þetta er markaðsvirði hlutafjár sem ekki var áður skráð á markað. Einhver, þar með talinn Bjarni, gæti haldið að þar með hefði þessi eign orðið til úr engu. En markaðsvirði ræðst af því hvað hluthafar geta vænst þess að fá í arð á næstu árum. Það má því vel bera þetta saman við það sem ríkissjóður hefur fengið fyrir eign sína í Íslandsbanka hingað til. Markaðsvirði er því verðmiði á eign sem var til áður en verðmiðinn var festur á hana. Verðmiðinn býr ekki til eignina. Það er því kjánalegt að ætla að afneita því að eign ríkissjóðs var seld með miklum afslætti. Það er öllum augljóst. Eins og áður sagði var meðaltals hagur ríkissjóðs af Íslandsbanka 18,2 milljarðar króna á ári áður en ríkisstjórnin skerti bankaskattinn til að auðvelda sölu á hlut sínum. 57,5% af þessu er 10,5 milljarðar króna. Þennan árlega ávinning seldi Bjarni & bankasýslan á 109,0 milljarða króna, fékk rúmlega tíu ára ávinning fyrir hlutinn. Er það góður díll? Nja, varla. Ef við deilum markaðsvirði félaga í kauphöllinni með arði liðinna ára er verðið yfirleitt þrjátíu til fjörutíu ára arðgreiðslur til hluthafa. Aukaarður eykur enn afsláttinn Hér er rétt að geta þess að það er stefna Íslandsbanka að færa eiginfjárhlutfall bankans niður í 16,5%. Um síðustu áramót var það 25,3%. Það er því stefna bankans að greiða hluthöfum sínum út um 71 milljarð króna á næstu árum umfram venjubundinn arð af hagnaði, en arðgreiðslur bankans hafa verið um 50% af hagnaði flest nýliðin ár. Fyrir söluna hefði ríkissjóður fengið alla þessa peninga en eftir söluna fær ríkissjóður 30,2 milljarða króna en hluthafarnir sem keyptu 57,5% af bankanum fá 40,8 milljarða króna í sinn hlut. Segja má að hluthafarnir hafi keypt hlut sem er í dag 143,3 milljarða króna virði á 111,5 milljarða króna en eigi síðan von á 40,8 milljarða króna auka arði á næstu misserum. Fyrst fengu þeir 22,2% afslátt frá markaðsvirði og svo aukaafslátt upp á 28,5%. Samtals er þetta rétt rúmlega helmings afsláttur. Það er kannski ósanngjarnt að stilla þessu svona upp, því væntingar um auka-arðinn hækka líklega markaðsvirðið. Þó er erfitt að spá í slíkt varðandi verðlagningu á hlutabréfum í kauphöllinni á Íslandi. Hún er glórulaus, oftar en ekki. Ríkið hefði fengið það sama á næstu fimm árum En eftir sem áður er dæmið svona: Ríkissjóður fékk að meðaltali 18,2 milljarða króna árlega frá Íslandsbanka í gegnum arð og sérstakan bankaskatt. Ef við áætlum að það haldist næstu fimm árin gera það 91 milljarður. Við það bætist 71 milljarður króna sem Íslandsbanki ætlar að greiða hluthöfum sínum á næstu misserum. Áður en salan fór fram horfði ríkissjóður því upp á að fá um 162 milljarða króna frá Íslandsbanka á næstu fimm árum. Þá ákvað Bjarni & bankasýslan að afnema bankaskattinn og við það tapaði ríkissjóður um 18,5 milljörðum. Síðan seldi Bjarni & bankasýslan 57,5% af Íslandsbanka og þá missti ríkissjóður 93,2 milljarða króna af arðgreiðslum næstu fimm ára. Ríkissjóður missti því af samtals 111,7 milljörðum króna á næstu fimm árum og fékk fyrir það 109 milljarða króna. Það er 2,7 milljörðum króna minna en ríkið hefði fengið ef Bjarni & bankasýslan hefði sleppt því að selja hluti almennings í Íslandsbanka. Eru þetta góð viðskipti? Innherji, viðskiptamiðill últrahægrimanna, valdi söluna í fyrra sem viðskipti ársins. Stenst það skoðun? Auðvitað ekki. Þetta eru fráleit viðskipti, líklega þau verstu síðan Sjálfstæðis- og Framsóknarflokkurinn seldi síðast banka í eigu almennings. Það er eðli allrar einkavæðingar að almenningur tapar og auðvaldið græðir. Annars myndi auðvaldið ekki kaupa. Auðvaldið hefur bara áhuga á að kaupa arðsamar eignir almennings fyrir lágt verð. Stjórnmálafólk sem þjónar auðvaldinu vinnur við þetta; að færa arðsamar eignir almennings til auðvaldsins á spotprís. Það var það sem vakti fyrir Bjarna & bankasýslunni. Og auðvitað Katrínu Jakobsdóttur og Sigurði Inga Jóhannssyni líka. Rök fyrir einkavæðingu halda ekki Því er haldið fram að ríkið geti ekki rekið arðsaman banka. Rekstur Íslandsbanka frá 2016 afsannar þessa kenningu. Ef eitthvað er; þá hefur arðsemi Íslandsbanka verið of mikil. Því er haldið fram að ríkissjóður þurfi að losa fé til að geta fjárfest í innviðum. Ríkinu mun hins vegar aldrei skorta fé í íslenskum krónum og getur fjárfest í innviðum án þess þess að selja eigur sínar. Því er haldið fram að það sé áhættusamt fyrir ríkið að eiga banka. Sagan sýnir hins vegar að það er miklu áhættusamara fyrir ríkissjóð þegar bankarnir eru í einkaeigu. Það á ekki bara við um síðasta bankahrun heldur líka hrun Íslandsbanka fyrir öld eða svo. Og með því að lækka eigið fé Íslandsbanka með arðgreiðslum á næstu árum verður hættan enn meiri, að bankinn falli enn á ný yfir almenning. Því er haldið fram að yfirráðum ríkisins fylgi spilling. Þegar litið er yfir liðið sem Bjarni & bankasýslan seldi hlut almennings sjá allir landsmenn að þar er samankomið slíkt spillingarstóð að ríkisvaldið mun aldrei geta slegið því við. Fyrir nú utan að mesta spilling í tengslum við bankastarfsemi á Íslandi hefur tengst einkavæðingu ríkisbanka, ekki rekstri ríkisbanka. Gerspillt stjórnmálastétt svíkur almenning Bankasölumálið er djúpstætt hneyksli. Það snýst ekki bara um spillingu verðbréfamiðlara sem seldu sjálfum sér og vinum sínum hlutabréf í bankanum. Það snýst ekki aðeins og spillingu bankasýslunnar sem lét verðbréfamiðlara múta sér með víni, flugeldum og málsverðum til að aðlaga útboðið að þörfum braskarana. Það snýst heldur ekki bara um gerspilltan fjármálaráðherra sem sinnti ekki skyldum sínum og var staðinn að því að selja pabba sínum almannaeigur með afslætti. Salan á Íslandsbanka afhjúpar linnulaust rán auðstéttarinnar á auðlindum og eignum almennings sem framið er alla daga, allan ársins hring, með aðstoð gerspilltrar stjórnmálastéttar sem bregst trausti almennings og velur ætíð hagsmuni fámenns hóps auðfólks fram yfir hagsmuni almennings. Þessu verður að linna. Samkvæmt könnunum vill 87% landsmanna að þetta hætti. Aðeins 7% lætur sig þetta linda. Við fólkið í landinu verðum að stöðva ránið. Ég minni á mótmæli gegn bankasölunni á laugardaginn á Austurvelli og Ráðhústorginu, sjá viðburð á Facebook. Höfundur er félagi í Sósíalistaflokknum. Viltu birta grein á Vísi? Sendu okkur póst. Senda grein Gunnar Smári Egilsson Sósíalistaflokkurinn Salan á Íslandsbanka Mest lesið Á hvaða ári er Inga Sæland stödd? Snorri Másson Skoðun Draugagangur í Alaska Hannes Pétursson Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun 76 dagar Erlingur Sigvaldason Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun Í minningu körfuboltahetja Snæbjörn Guðmundsson Skoðun Körfubolti á tímum þjóðarmorðs Bjarni Þór Sigurbjörnsson Skoðun Ný sókn í menntamálum – tækifæri eða hliðarskref? Ingibjörg Isaksen Skoðun Skýr stefna um málfrelsi Róbert H. Haraldsson Skoðun Skoðun Skoðun Von í Vonarskarði Þuríður Helga Kristjánsdóttir skrifar Skoðun Þjóð gegn þjóðarmorði Finnbjörn A. Hermannsson,Guðrún Margrét Guðmundsdóttir skrifar Skoðun Hvað er eiginlega málið með þessa þéttingu?? Einar Sveinbjörn Guðmundsson skrifar Skoðun Mikilvægi aðgengis og algildrar hönnunar að byggingum í dag og til framtíðar Þuríður harpa Sigurðardóttir skrifar Skoðun Eitt próf á ári – er það snemmtæk íhlutun? Íris E. Gísladóttir skrifar Skoðun Þegar öllu er á botninn hvolft Ingólfur Sverrisson skrifar Skoðun Kynbundin áhrif barneigna á atvinnuþátttöku og tekjur Sigríður Ingibjörg Ingadóttir,Steinunn Bragadóttir skrifar Skoðun Viltu finna milljarð? - Frá gráu svæði í gagnsæi Gunnar Pétur Haraldsson skrifar Skoðun Ný sókn í menntamálum – tækifæri eða hliðarskref? Ingibjörg Isaksen skrifar Skoðun Á hvaða ári er Inga Sæland stödd? Snorri Másson skrifar Skoðun Eru börn innviðir? Hjördís Eva Þórðardóttir skrifar Skoðun Háskólaþorpið Bifröst og fólkið sem gleymdist Margrét Jónsdóttir Njarðvík skrifar Skoðun Körfubolti á tímum þjóðarmorðs Bjarni Þór Sigurbjörnsson skrifar Skoðun Draugagangur í Alaska Hannes Pétursson skrifar Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar Skoðun 76 dagar Erlingur Sigvaldason skrifar Skoðun Í minningu körfuboltahetja Snæbjörn Guðmundsson skrifar Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar Skoðun Húsnæðisbæturnar sem hurfu Ragnar Sigurður Kristjánsson skrifar Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar Skoðun Hjartans mál í kennslu Sigurður Árni Reynisson skrifar Skoðun Hunsuðu menntamálin – en ætla nú að bjarga þeim Sigurður Kári Harðarson skrifar Skoðun Sporin þín Valtýr Soffía Sigurðardóttir skrifar Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar Skoðun Sjallar og lyklaborðið Sigfús Ómar Höskuldsson skrifar Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar Skoðun „Stóra fallega frumvarpið“ hans Trump Gunnar Alexander Ólafsson skrifar Skoðun Verndun vatns og stjórn vatnamála Ólafur Arnar Jónsson,Sigurður Guðjónsson skrifar Sjá meira
Bjarni Benediktsson hefur haldið því fram að hann hafi búið til peninga fyrir almenning með því að selja eigur almennings með afslætti, meðal annars til pabba síns. Getur þetta verið? Getur Bjarni búið til peninga úr engu, skapað verðmæti sem áður voru ekki til? Ríkissjóður hefur haft miklar tekjur af Íslandsbanka Ríkissjóður eignaðist 95% af hlutafé Íslandsbanka í ársbyrjun 2016 sem gjald fyrir að losa erlenda vogunarsjóði úr gjaldeyrishöftum, svokallaða hrægamma. Í árslok 2015 var eigið fé hluthafa Íslandsbanka 198,3 milljarðar króna. Það eru 246,4 milljarðar króna á núvirði. Í árslok 2021 var eigið fé hluthafa Íslandsbanka 203,7 milljarðar. Eigið féð hefur því skroppið saman um 42,7 milljarða króna á núvirði. Það er þó ekki hægt að segja að ríkissjóður hafi tapað þessu fé því á þessum árum. Frá ársbyrjun 2016, hefur Íslandsbanki greitt 87,3 milljarða króna á núvirði í ríkissjóð í arð og auk þess 17,6 milljarð króna í sérstakan bankaskatt, sem nú er að mestu búið að leggja af til að auka söluhæfi hlutabréfa í Íslandsbanka og Landsbanka. Samanlagt framlag Íslandsbanka í ríkissjóðs var því 104,9 milljarðar króna á núvirði, um 17,5 milljarður á ári að meðaltali. Arður frá Íslandsbanka var á núvirði að meðaltali árlega um 14,5 milljarðar þessi ár. Áður en bankaskatturinn var skertur borgaði Íslandsbanki árlega um 3,7 milljarða króna á núvirði í sérstakan bankaskatt. Ef engin áform væru uppi um að selja hluti ríkissjóðs hefði mátt að ósekju halda hinum sérstaka bankaskatti óskertum. Arður og bankaskattur væri þá líklega um 18,2 milljarðar króna á ári, miðað við meðaltal undanfarinna ára. Mikil verðmæti seld fyrir á undirverði Bjarni & bankasýslan hefur selt 57,5% af hlut ríkissjóðs á um 111,5 milljarða króna í tveimur útboðum og greitt fyrir það um 2,5 milljarða króna í þóknun til verðbréfamiðlara sem sáu um söluna. Nettósöluverð er því um 109,0 milljarðar króna. Markaðsvirði þessa hlutar er í dag 143,3 milljaðrar króna. Það er 34,3 milljörðum króna minna en Bjarni fékk fyrir hlutinn. Þetta er markaðsvirði hlutafjár sem ekki var áður skráð á markað. Einhver, þar með talinn Bjarni, gæti haldið að þar með hefði þessi eign orðið til úr engu. En markaðsvirði ræðst af því hvað hluthafar geta vænst þess að fá í arð á næstu árum. Það má því vel bera þetta saman við það sem ríkissjóður hefur fengið fyrir eign sína í Íslandsbanka hingað til. Markaðsvirði er því verðmiði á eign sem var til áður en verðmiðinn var festur á hana. Verðmiðinn býr ekki til eignina. Það er því kjánalegt að ætla að afneita því að eign ríkissjóðs var seld með miklum afslætti. Það er öllum augljóst. Eins og áður sagði var meðaltals hagur ríkissjóðs af Íslandsbanka 18,2 milljarðar króna á ári áður en ríkisstjórnin skerti bankaskattinn til að auðvelda sölu á hlut sínum. 57,5% af þessu er 10,5 milljarðar króna. Þennan árlega ávinning seldi Bjarni & bankasýslan á 109,0 milljarða króna, fékk rúmlega tíu ára ávinning fyrir hlutinn. Er það góður díll? Nja, varla. Ef við deilum markaðsvirði félaga í kauphöllinni með arði liðinna ára er verðið yfirleitt þrjátíu til fjörutíu ára arðgreiðslur til hluthafa. Aukaarður eykur enn afsláttinn Hér er rétt að geta þess að það er stefna Íslandsbanka að færa eiginfjárhlutfall bankans niður í 16,5%. Um síðustu áramót var það 25,3%. Það er því stefna bankans að greiða hluthöfum sínum út um 71 milljarð króna á næstu árum umfram venjubundinn arð af hagnaði, en arðgreiðslur bankans hafa verið um 50% af hagnaði flest nýliðin ár. Fyrir söluna hefði ríkissjóður fengið alla þessa peninga en eftir söluna fær ríkissjóður 30,2 milljarða króna en hluthafarnir sem keyptu 57,5% af bankanum fá 40,8 milljarða króna í sinn hlut. Segja má að hluthafarnir hafi keypt hlut sem er í dag 143,3 milljarða króna virði á 111,5 milljarða króna en eigi síðan von á 40,8 milljarða króna auka arði á næstu misserum. Fyrst fengu þeir 22,2% afslátt frá markaðsvirði og svo aukaafslátt upp á 28,5%. Samtals er þetta rétt rúmlega helmings afsláttur. Það er kannski ósanngjarnt að stilla þessu svona upp, því væntingar um auka-arðinn hækka líklega markaðsvirðið. Þó er erfitt að spá í slíkt varðandi verðlagningu á hlutabréfum í kauphöllinni á Íslandi. Hún er glórulaus, oftar en ekki. Ríkið hefði fengið það sama á næstu fimm árum En eftir sem áður er dæmið svona: Ríkissjóður fékk að meðaltali 18,2 milljarða króna árlega frá Íslandsbanka í gegnum arð og sérstakan bankaskatt. Ef við áætlum að það haldist næstu fimm árin gera það 91 milljarður. Við það bætist 71 milljarður króna sem Íslandsbanki ætlar að greiða hluthöfum sínum á næstu misserum. Áður en salan fór fram horfði ríkissjóður því upp á að fá um 162 milljarða króna frá Íslandsbanka á næstu fimm árum. Þá ákvað Bjarni & bankasýslan að afnema bankaskattinn og við það tapaði ríkissjóður um 18,5 milljörðum. Síðan seldi Bjarni & bankasýslan 57,5% af Íslandsbanka og þá missti ríkissjóður 93,2 milljarða króna af arðgreiðslum næstu fimm ára. Ríkissjóður missti því af samtals 111,7 milljörðum króna á næstu fimm árum og fékk fyrir það 109 milljarða króna. Það er 2,7 milljörðum króna minna en ríkið hefði fengið ef Bjarni & bankasýslan hefði sleppt því að selja hluti almennings í Íslandsbanka. Eru þetta góð viðskipti? Innherji, viðskiptamiðill últrahægrimanna, valdi söluna í fyrra sem viðskipti ársins. Stenst það skoðun? Auðvitað ekki. Þetta eru fráleit viðskipti, líklega þau verstu síðan Sjálfstæðis- og Framsóknarflokkurinn seldi síðast banka í eigu almennings. Það er eðli allrar einkavæðingar að almenningur tapar og auðvaldið græðir. Annars myndi auðvaldið ekki kaupa. Auðvaldið hefur bara áhuga á að kaupa arðsamar eignir almennings fyrir lágt verð. Stjórnmálafólk sem þjónar auðvaldinu vinnur við þetta; að færa arðsamar eignir almennings til auðvaldsins á spotprís. Það var það sem vakti fyrir Bjarna & bankasýslunni. Og auðvitað Katrínu Jakobsdóttur og Sigurði Inga Jóhannssyni líka. Rök fyrir einkavæðingu halda ekki Því er haldið fram að ríkið geti ekki rekið arðsaman banka. Rekstur Íslandsbanka frá 2016 afsannar þessa kenningu. Ef eitthvað er; þá hefur arðsemi Íslandsbanka verið of mikil. Því er haldið fram að ríkissjóður þurfi að losa fé til að geta fjárfest í innviðum. Ríkinu mun hins vegar aldrei skorta fé í íslenskum krónum og getur fjárfest í innviðum án þess þess að selja eigur sínar. Því er haldið fram að það sé áhættusamt fyrir ríkið að eiga banka. Sagan sýnir hins vegar að það er miklu áhættusamara fyrir ríkissjóð þegar bankarnir eru í einkaeigu. Það á ekki bara við um síðasta bankahrun heldur líka hrun Íslandsbanka fyrir öld eða svo. Og með því að lækka eigið fé Íslandsbanka með arðgreiðslum á næstu árum verður hættan enn meiri, að bankinn falli enn á ný yfir almenning. Því er haldið fram að yfirráðum ríkisins fylgi spilling. Þegar litið er yfir liðið sem Bjarni & bankasýslan seldi hlut almennings sjá allir landsmenn að þar er samankomið slíkt spillingarstóð að ríkisvaldið mun aldrei geta slegið því við. Fyrir nú utan að mesta spilling í tengslum við bankastarfsemi á Íslandi hefur tengst einkavæðingu ríkisbanka, ekki rekstri ríkisbanka. Gerspillt stjórnmálastétt svíkur almenning Bankasölumálið er djúpstætt hneyksli. Það snýst ekki bara um spillingu verðbréfamiðlara sem seldu sjálfum sér og vinum sínum hlutabréf í bankanum. Það snýst ekki aðeins og spillingu bankasýslunnar sem lét verðbréfamiðlara múta sér með víni, flugeldum og málsverðum til að aðlaga útboðið að þörfum braskarana. Það snýst heldur ekki bara um gerspilltan fjármálaráðherra sem sinnti ekki skyldum sínum og var staðinn að því að selja pabba sínum almannaeigur með afslætti. Salan á Íslandsbanka afhjúpar linnulaust rán auðstéttarinnar á auðlindum og eignum almennings sem framið er alla daga, allan ársins hring, með aðstoð gerspilltrar stjórnmálastéttar sem bregst trausti almennings og velur ætíð hagsmuni fámenns hóps auðfólks fram yfir hagsmuni almennings. Þessu verður að linna. Samkvæmt könnunum vill 87% landsmanna að þetta hætti. Aðeins 7% lætur sig þetta linda. Við fólkið í landinu verðum að stöðva ránið. Ég minni á mótmæli gegn bankasölunni á laugardaginn á Austurvelli og Ráðhústorginu, sjá viðburð á Facebook. Höfundur er félagi í Sósíalistaflokknum.
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Skoðun Mikilvægi aðgengis og algildrar hönnunar að byggingum í dag og til framtíðar Þuríður harpa Sigurðardóttir skrifar
Skoðun Kynbundin áhrif barneigna á atvinnuþátttöku og tekjur Sigríður Ingibjörg Ingadóttir,Steinunn Bragadóttir skrifar
Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar
Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar
Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar
Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar
Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar
Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar
Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun