Safarík myndaveisla frá frumsýningu Ávaxtakörfunnar

Með leikstjórn fer Gói Karlsson og það virðist hafa verið mikið lagt í húmorinn og að ná til yngri áhorfenda. Ávaxtakarfan tekst á við fordóma, einelti og mismunun á einlægum nótum í gegnum leik, söng, dans og sirkus atriði.

Fyrir frumsýninguna mættu gestir og boðið var upp á að nálgast skemmtilegan varning eins og boli og djús í ananas glasi. Spenningurinn var mikill meðal aðstandenda leikaranna og gesta sem voru að gera sér glaðan dag.

Í aðdraganda sýningarinnar var í boði fyrir litla gesti að setjast á púða alveg upp við sviðið sem vakti mikla lukku og leið þeim eins og þau væru sjálf stödd í körfunni sem ávextir og ber. 

Með hlutverk í Ávaxtakörfunni þar sem allir eru vinir, dansandi saman, fara Eyþór Ingi Gunnlaugsson, Birna Pétursdóttir, Þórdís Björk Þorfinnsdóttir , Kristinn Óli Haraldsson, Jón Svavar, Viktoría Sigurðardóttir, Katla Njálsdóttir og einnig sirkus snillingarnir Eyrún Ævarsdóttir, Jóakim Meyvant Kvaran og Sindri Diego.

Þegar sýningin hófst nutu gestir þess að sjá Ávaxtakörfuna, leikrit sem margar kynslóðir hafa alist upp við, lifna við í nýjum búning. Leikritið er alkunnungt flestum síðan það var sett upp árið 1998 og hafa lög sýningarinnar eftir Þorvald Bjarna Þorvaldsson lifað góðu lífi líkt og leikritið sjálft í heild sinni.

Mæja litla jarðaber átti svolítið erfitt með að eignast vini í byrjun sýningarinnar en allt er gott sem endar vel. 

Perurnar eru engar venjulegar perur heldur sirkus perur.

Gedda gulrót laumaðist í ávaxtakörfuna þrátt fyrir að vera grænmeti. 

Imma ananas finnst enginn geta jafnast á við sig og kom Eyþór Ingi þeim skilaboðum til skila í hlutverkinu.

Allir leikhúsgestirnir virtust skemmta sér konunglega líkt og leikararnir og aðrir aðstandendur sýningarinnar sem litu út fyrir að njóta dagsins vel eftir langan undirbúning, sem skilaði sér svo sannarlega.