Ís­land fellur í þriðja sætið á hamingju­listanum

Norðurlöndin eru öll ofarlega á listanum en Danir skjótast fram úr Íslendingum og fara úr þriðja sætinu í annað sætið á milli ára. Svíar eru í sjöunda sætinu og Norðmenn í því áttunda.

Í skýrslunni er norrænu löndunum hrósað fyrir sterka félagslega samkennd, jafnvægi milli vinnu og fjölskyldulífs einstaklinga, og ókeypis menntun og heilbrigðisþjónustu.

Topp 10 á hamingjulista World Happiness Report 2022

1. Finnland
2. Danmörk
3. Ísland
4. Sviss
5. Holland
6. Lúxemborg
7. Svíþjóð
8. Noregur
9. Ísrael
10. Nýja-Sjáland

Mælingin tekur að mestu mið af lífskjörum, lífslíkum, gjafmildi, samfélagsstuðningi, frelsi og spillingu.

Skýrsluhöfundar leggja áherslu að kórónuveirufaraldurinn hafi haft áhrif á líf allra, en að áhrifa gætir einnig þegar hamingja er mæld. Þannig hefur félagslegur stuðningur og vilji fólks til að aðstoða samborgarana aukist í faraldrinum.

Afganistan skipar neðsta sæti listans ásamt Líbanon, Simbabve og Rúanda.