Lífið

52 ára og ólétt í annað sinn

Sylvía Rut Sigfúsdóttir skrifar
Petra Mede á sviðinu þegar hún var kynnir í Eurovision í Svíþjóð árið 2016.
Petra Mede á sviðinu þegar hún var kynnir í Eurovision í Svíþjóð árið 2016. Getty/Michael Campanella

Sænska sjónvarpsstjarnan Petra Mede tilkynnti í viðtali við Nyhetsmorgon á TV4 að hún á von á sínu öðru barni. 

Petra er 52 ára gömul. Hún á fyrir níu ára stúlku en hefur haldið henni fyrir utan sviðsljósið.

„Ég er alveg ótrúlega hamingjusöm,“ sagði Petra í viðtalinu. Hún segir að þessi meðganga sé mikil forréttindi og hún tekur þetta verkefni einn dag í einu.  Aðspurð hvort það væri einhver faðir í myndinni svaraði Petra: 

„Nei ég er að gera þetta sjálf, eins og svo margt annað í mínu lífi.“

Petra hefur tvisvar verið kynnir þegar í Eurovision var haldið í Svíþjóð, árið 2013 og svo aftur 2016. Hún sló svo í gegn sem stífa mamman í sjónvarpsþáttunum Bonusfamiljen. Viðtalið við Petru má sjá á vef TV4.

Svíar völdu sitt Eurovision framlag um helgina. Söngkonan Cornelia Jakobs bar sigur úr býtum í keppninni Melodifestivalen með laginu Hold Me Closer. Lagið má heyra í spilaranum hér fyrir neðan.

Ástin og lífið Eurovision Svíþjóð Frjósemi

Tengdar fréttir

Fram­lag Svía í Euro­vision liggur fyrir

Söngkonan Cornelia Jakobs bar sigur úr býtum í keppninni Melodifestivalen með laginu Hold Me Closer. Hún tekur því þátt í Eurovison fyrir hönd Svía í maí.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.