Fótbolti

Róbert Orri þreytti frumraun sína í MLS

Arnar Geir Halldórsson skrifar
Róbert Orri

Mosfellingurinn Róbert Orri Þorkelsson lék sinn fyrsta deildarleik fyrir Montreal Impact í bandarísku úrvalsdeildinni í fótbolta í kvöld.

Róbert var keyptur til Montreal frá Breiðablik fyrir rétt tæpu ári síðan en kom ekkert við sögu á sínu fyrsta tímabili í MLS þar sem meiðsli settu strik í reikninginn.

Nýtt tímabil er nýfarið af stað í Bandaríkjunum.

Þessi nítján ára gamli varnarmaður hóf leik á varamannabekk Montreal þegar liðið heimsótti meistara New York City á Yankee leikvanginn en var skipt inná í leikhléi.

Þá var staðan 2-0 fyrir heimamönnum og fór að lokum svo að New York City vann 4-1 sigur.

MLS

Mest lesið


Fleiri fréttir

Sjá meira


×

Mest lesið