Íslenski boltinn

Keflavík fær markvörð úr einni bestu deild heims

Sindri Sverrisson skrifar
Samantha Leshnak Murphy er orðin leikmaður Keflavíkur.
Samantha Leshnak Murphy er orðin leikmaður Keflavíkur. Facebook/@sannirkeflvikingar

Keflvíkingar voru ekki lengi að tilkynna um nýjan, bandarískan markvörð í stað Tiffany Sornpao sem gekk í raðir Selfyssinga um helgina.

Í stað Sornpao mun hin 24 ára gamla Samantha Murphy, eða Samantha Leshnak eins og hún hét áður en hún gifti sig, verja mark Keflavíkur í Bestu deildinni í sumar.

Murphy kemur til Keflavíkur frá North Carolina Courage í bandarísku úrvalsdeildinni en þar hefur hún verið varamarkvörður síðustu þrjú tímabil, en spilaði þó tvo deildarleiki árið 2019 þegar liðið varð bandarískur meistari.

Keflavík hélt sér uppi í efstu deild með góðum endaspretti í fyrra og hafnaði í þriðja neðsta sæti. Liðið byrjar leiktíðina í Bestu deildinni á útileik gegn KR 27. apríl.

Besta deild kvenna er á Stöð 2 Sport en upplýsingar um útsendingar má finna hér. Besta deildin er hluti af Stöð 2 Sport Ísland sem kostar 3.990 krónur á mánuði.

Besta deild kvenna Keflavík ÍF

Mest lesið


Fleiri fréttir

Sjá meira


×

Mest lesið