Lífið

Mæðgurnar sýndu saman á tískupallinum í gær

Elísabet Hanna skrifar
Mæðgurnar Kaia Gerber og Cindy Crawford eru báðar ofurfyrirsætur og voru í sömu sýningunni.
Mæðgurnar Kaia Gerber og Cindy Crawford eru báðar ofurfyrirsætur og voru í sömu sýningunni. Getty/ Miikka Skaffari

Mæðgurnar Cindy Crawford og Kaia Gerber gengu báðar á tískupallinum fyrir Off-White kvennfatnaðar sýninguna sem haldin var í gær sem partur af tískuvikunni í París. Fleiri stjörnur með fjölskyldutengsl komu einnig fram á pallinum eins og Hadid systurnar.

Kaia Gerber hefur verið að byggja upp glæstan feril frá því að hún fékk sitt fyrsta fyrirsætustarf þegar hún var aðeins tíu ára gömul fyrir merkið Versace. Það var svo 2017 sem hún byrjaði að ganga pallana af alvöru og hefur hún komið víða fram. 

Hún hefur meðal annars gengið fyrir Calvin Klein, Burberry, Versace, Alexander Wang, Marc Jacobs, Prada, Chanel, Fendi, Moschino og Valentino. Móðir hennar Cindy Crawford er ein sú allra þekktasta úr fyrirsætuheiminum svo hún hefur ekki langt að sækja hæfileikana. 

Mæðgurnar árið 2006.Getty/ Jon Kopaloff

Á sýningunni í gær mátti sjá mæðgurnar labba sama pallinn og fór það ekkert á milli mála að þær áttu báðar heima þar. Fleiri stjörnur sem löbbuðu á sýningunni í gær voru meðal annars Kendall Jenner, tennisstjarnan Serena Williams, Naomi Campbell og systurnar Gigi og Bella Hadid.  

Hér að neðan má sjá myndir frá sýningunni:

Cindy Crawford var glæsileg á tískupallinum í gær.Getty/ Taylor Hill
Kaia Gerber hefur verið að byggja upp magnaðan fyrirsætuferil síðustu ár.Getty/ Peter White
Kendall Jenner var klædd „little black dress" eins og stendur á kjólnum.Getty/ Taylor Hill
Tennisstjarnan Serena Williams kom og gerði pallinn að sinum.Getty/ Taylor Hill
Naomi Campbell er ein frægasta fyrirsæta heims.Getty/ Victor Boyko
Gigi Hadid var klædd bláu á pallinum.Getty/ Taylor Hill
Systir hennar hún Bella Hadid var aftur á móti klædd hvítu.Getty/ Victor Boyko

Tíska og hönnun Hollywood

Tengdar fréttir

Dóttir Cindy Crawford kosin fyrirsæta ársins

Kaia Gerber var kjörin Fyrirsæta ársins á bresku tískuverðlaununum fyrr í vikunni og fetar þar í fótspor móður sinnar, fyrirsætunnar Cindy Crawford.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.