Erlent

Banda­ríkja­her rekur óbólu­setta her­menn

Viktor Örn Ásgeirsson skrifar
Myndin er tekin á æfingu Bandaríkjahers.
Myndin er tekin á æfingu Bandaríkjahers. Getty/Weigel

Bandaríkjaher hyggst reka alla óbólusetta hermenn tafarlaust. Bólusetningarskylda hermanna tók gildi í ágúst á síðasta ári og hyggst herinn nú grípa til uppsagna.

Langflestir hermenn (e. army) hafa nú að minnsta kosti fengið einn skammt af bóluefni gegn kórónuveirunni. Í frétt Reuters segir að 79 bandarískir hermenn hafi nú látist úr Covid.

Christine Wormouth ritari Bandaríkjahers segir nauðsynlegt að bólusetja hermennina: „Við getum ekki látið hermennina okkar veikjast. Hermenn þurfa alltaf að vera tilbúnir í átök og óbólusettir hermenn geta lagt stein í götu herliðs okkar, sem þarf alltaf að vera viðbúið.“

Aðrir flokkar innan bandaríska hersins, til að mynda flugherinn, hafa nú þegar byrjað að reka óbólusetta hermenn.

Bólusetningar Bandaríkin Hernaður Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið