Meiri kvíði og minni til­hlökkun

Niðurstöðurnar voru birtar í nýjum Þjóðarpúlsi Gallup en samkvæmt greiningunni virðast landsmenn kvíðnir í aðdraganda jóla. Í niðurstöðum Þjóðarpúlsins segir að fjárráð hafi mestu áhrifin á það hvort fólk hlakki til jólanna eða kvíði þeim. Fólk er líklegra til að hlakka til jólanna eftir því sem fjölskyldutekjur eru hærri og þeir sem hafa minna á milli handanna eru líklegri til að kvíða jólunum.

Tólf prósent landsmanna segjast ekki eiga fyrir jólahaldinu og í könnuninni kemur fram að yngra fólk virðist hafa minna á milli handanna en eldra. Hlutfallið er svipað og síðustu þrjú ár.

Samkvæmt Þjóðarpúlsinum má einnig greina mun á svörum fólks eftir því hvaða flokk það kýs til Alþingis en þau sem kjósa Sósíalistaflokkinn sögðust síst eiga fyrir jólahaldinu. Þá svöruðu kjósendur Miðflokksins að þau ættu flest fyrir jólahaldinu.

Skoða má Þjóðarpúlsinn í heild sinni hér.