Vítaskyttan Bonucci hetja Juventus gegn Lazio

Juventus hefur verið í miklum vandræðum í upphafi leiktíðar og var með þremur stigum minna en Lazio, sem situr í 5.sæti deildarinnar, þegar kom að leik kvöldsins.

Leikið var í Róm en eftir 23 mínútur fengu gestirnir dæmda vítaspyrnu. Varnarmaðurinn Leonardo Bonucci fór á vítapunktinn og skoraði framhjá Pepe Reina.

Ekkert var meira skorað í leiknum fyrr en að aftur var dæmd vítaspyrna til Juventus á 83.mínútu.

Aftur steig Bonucci á punktinn og skoraði og innsiglaði þar með mikilvægan 0-2 sigur Juventus.