Vilja þreifa á sýndarheimum framtíðarinnar Samúel Karl Ólason skrifar 16. nóvember 2021 22:00 Frumgerð af hanska Reality labs. Með tæki sem þessu eiga netverjar að geta snert stafræna hluti í sýndarveruleika og jafnvel tekið í hendur hvors annars á netinu. Reality labs Síðastliðin sjö ár hafa starfsmenn Reality Labs, dótturfyrirtækis Meta (áður Facebook), unnið að því að svara þeirri spurningu hvernig fólk á að skynja sýndarheima framtíðarinnar. Hvernig fólk eigi að snerta stafræna hluti og jafnvel annað fólk. Með það í huga hafa áðurnefndir starfsmenn þróað hanska sem gera á fólki kleift að finna fyrir því þegar það snertir hluti í sýndar- og viðbótarveruleika. Tækniþróun þessi er ekki langt á veg komin en í tilkynningu frá Meta segir að hanskinn sé mjög efnilegur. Á undanförnum árum hafi teymið þróað framúrskarandi leiðir og lausnir til að halda vinnunni áfram. Forsvarsmenn Facebook breyttu nafni fyrirtækisins í Meta að hluta til vegna aukinn áherslu þeirra á eitthvað sem kallað er „metaverse“ og hefur verið líkt við næstu kynslóð internetsins. Mark Zuckerberg, forstjóri Meta, hefur lýst „metaverse“ sem sýndarveruleikaumhverfi sem notendur geti farið inn í, í stað þess að horfa á það á skjá. Þar sem fólk getur „hist“ og leikið sér eða unnið með sýndarveruleikagleraugum, viðbótarveruleikagleraugum, snjallsímum eða öðrum tækjum. Meta hefur lagt mikla áherslu á þróun sýndarveruleikatækni sem hófst árið 2014 þegar Meta keypti sýndarveruleikafyrirtækið Oculus. Hanskarnir sem opinberaðir voru í dag myndu falla eins og flís við rass inn í þessa sviðsmynd sem Zuckerberg hefur lýst. Meta birti í dag myndband sem sýnir hvernig hanskarnir eiga að virka. Þessir hanskar þyrftu að notast við mikinn fjölda smárra mótora, sem hreyfast í takt við það sem gerist í sýndarheimum. Til að draga úr hitamyndun datt verkfræðingum Reality Labs í hug að þróa nýja gerð mjúkra mótora sem geti breytt um lögun í takt við hvað verið er að gera með hanskanum. Meta segir að á undanförnum tveimur árum hafi mikill árangur náðst í þeirri þróun sem byggi meðal annars á agnarsmáum loftdælum og flögum sem stýri loftþrýstingi. Áhugasamir geta séð frekari og tæknilegri upplýsingar um hanskana hér á vef Meta. Hér má sjá myndband sem sýnir hvernig hanskarnir eiga að nota loftdælur. Tækni Meta Facebook Samfélagsmiðlar Mest lesið Skildu fullar körfur eftir vegna bilunar Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Hagkaup hefur áfengissölu í dag Viðskipti innlent Vefsíðan hrundi innan tuttugu mínútna Viðskipti innlent Fær bætur vegna brúnu blettanna í mottunni Neytendur Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Með það í huga hafa áðurnefndir starfsmenn þróað hanska sem gera á fólki kleift að finna fyrir því þegar það snertir hluti í sýndar- og viðbótarveruleika. Tækniþróun þessi er ekki langt á veg komin en í tilkynningu frá Meta segir að hanskinn sé mjög efnilegur. Á undanförnum árum hafi teymið þróað framúrskarandi leiðir og lausnir til að halda vinnunni áfram. Forsvarsmenn Facebook breyttu nafni fyrirtækisins í Meta að hluta til vegna aukinn áherslu þeirra á eitthvað sem kallað er „metaverse“ og hefur verið líkt við næstu kynslóð internetsins. Mark Zuckerberg, forstjóri Meta, hefur lýst „metaverse“ sem sýndarveruleikaumhverfi sem notendur geti farið inn í, í stað þess að horfa á það á skjá. Þar sem fólk getur „hist“ og leikið sér eða unnið með sýndarveruleikagleraugum, viðbótarveruleikagleraugum, snjallsímum eða öðrum tækjum. Meta hefur lagt mikla áherslu á þróun sýndarveruleikatækni sem hófst árið 2014 þegar Meta keypti sýndarveruleikafyrirtækið Oculus. Hanskarnir sem opinberaðir voru í dag myndu falla eins og flís við rass inn í þessa sviðsmynd sem Zuckerberg hefur lýst. Meta birti í dag myndband sem sýnir hvernig hanskarnir eiga að virka. Þessir hanskar þyrftu að notast við mikinn fjölda smárra mótora, sem hreyfast í takt við það sem gerist í sýndarheimum. Til að draga úr hitamyndun datt verkfræðingum Reality Labs í hug að þróa nýja gerð mjúkra mótora sem geti breytt um lögun í takt við hvað verið er að gera með hanskanum. Meta segir að á undanförnum tveimur árum hafi mikill árangur náðst í þeirri þróun sem byggi meðal annars á agnarsmáum loftdælum og flögum sem stýri loftþrýstingi. Áhugasamir geta séð frekari og tæknilegri upplýsingar um hanskana hér á vef Meta. Hér má sjá myndband sem sýnir hvernig hanskarnir eiga að nota loftdælur.
Tækni Meta Facebook Samfélagsmiðlar Mest lesið Skildu fullar körfur eftir vegna bilunar Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Hagkaup hefur áfengissölu í dag Viðskipti innlent Vefsíðan hrundi innan tuttugu mínútna Viðskipti innlent Fær bætur vegna brúnu blettanna í mottunni Neytendur Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira