Allar líkur á ó­væntum sigri Repúblikana í vígi Demó­krata

Verði þetta niðurstaðan eru úrslitin sögð mikið áfall fyrir Joe Biden Bandaríkjaforseta en Virginía hefur verið vígi Demókrata og vann forsetinn ríkið til dæmis með tíu prósenta mun í síðustu forsetakosningum.

Youngkin virðist því ætla að hafa betur gegn Demókratanum Terry McAuliffe sem gegndi embætti ríkisstjóra á árunum 2014 til 2018, en á síðustu vikum hafði forskot McAuliffe í skoðanakönnunum fuðrað upp.

Í ávarpi sínu til stuðningsmanna sagði Youngkin að sigurinn markaði straumhvörf í ríkinu, en McAuliffe hefur þó enn ekki viðurkennt ósigur sinn.

Þá virðist mjög hörð barátta vera í New Jersey þar sem sitjandi ríkisstjóri sem er Demókrati gæti tapað embættinu til Repúblikana.

Vinsældir Bidens forseta hafa minnkað síðustu vikur í ljósi vaxandi verðbólgu, erfiðleika í efnahagsmálum og átaka á þinginu auk þess sem brottflutningur herliðsins frá Afganistans var harðlega gagnrýndur.

Nú eru aðeins 42 prósent þjóðarinnar ánægð með störf hans en í ágúst var um helmingur landsmanna ánægður með forsetann.