Finnst þér í lagi að hrósa fólki fyrir ilm eða lykt?

Mikið lítur þú vel út í dag! Rosalega ertu með smitandi hlátur! Þú ert með svo góða nærveru! Það er alltaf hægt að stóla á þig! Þú ert alltaf svo kurteis! Gerir besta matinn! Fallegt bros...

Er óþarfa væmni að hrósa?

Það eru til endalaust margir möguleikar þegar kemur að því að hrósa. En bestu hrósin eru auðvitað þau einlægustu, sem við vitum að eru ekta. 

Oft hefur verið sagt að við Íslendingar séum ekki góð í því að hrósa, að við kunnum það ekki. 

Við erum lokuð þjóð, ekki þessar væmnu týpur sjáðu. 

En er það einhver væmni að hrósa? Er það ekki frekar eitthvað sem flestir þyrftu að læra betur að temja sér, hrósa meira?

Hrós hafa í langflestum tilfellum mjög góð áhrif á sjálfsmyndina, skapið okkar þann dag, sjálfstraustið. En einnig hafa hrós góð áhrif á þann sem hrósar. 

Auðvitað að fólk misjafnt og eflaust finnast einhverjum hrós vera óþarfi og í einhverjum tilvikum óviðeigandi. Fer eftir stað og stund og frá hverjum það kemur. 

Það er svo góð lykt af þér!

Ilmvatnsiðnaðurinn er risastór og eyðir fólk oft á tíðum töluverðum fjármunum og miklum tíma í finna rétta ilminn. Sumir nota alltaf sama ilminn og aðrir prófa sig áfram, skipta reglulega um ilm og pæla mikið í því. 

En má hrósa fyrir ilm?

Á meðan einhverjum getur fundist það óviðeigandi að hrósa fyrir ilm, finnst það vera eins og viðreynsla. 

Svo eru það aðrir sem finnast það hið eðlilegasta mál. Bæði að fá hrósið og að hrósa hiklaust ef þeim finnst einhver ilma vel. 

Spurningu vikunnar er að þessu sinni kynjaskipt og fólk beðið að svara þeirri könnun sem á við. 

Karlar svara hér: 

Konur svara hér: 

Makamál hafa síðustu tvö ár spurt lesendur Vísis vikulega um þeirra skoðanir og viðhorf varðandi málefni tengd ástinni, samböndum, tilfinningum og kynlífi.

Fyrir áhugasama er hægt að nálgast allar fyrri Spurningar vikunnar og niðurstöður hér.