Sjaldgæfur skjálfti á Mýrunum

Í færslu hjá Eldfjalla- og náttúruváhópi Suðurlands segir að skjálftinn hafi mælst um fimm kílómetra vestur af Langavatni á Mýrum og hann sé til marks um aukna jarðskjálftavirkni á svæðinu.

Eins og áður segir eru skjálftar ársins innan eldstöðvakerfis Ljósufjalla. Á Vísindavefnum segir að Ljósufjallareinin teygi sig frá Kolgrafafirði í vestri að Norðurá í Borgarfirði í austri.

Eldfjalla- og náttúruváhópurinn segir forsögulega gíga finnast í grennd við uppruna skjálftanna í Hítárdal og Hraundal. Nokkur hraun hafi runnið þar fyrir ekki svo löngu.

„Skjálftavirknin nú er óvenjuleg að vissu marki, enda jarðskjálftar afar fátíðir í eldstöðvakerfum Snæfellsness.“