Handbolti

Saga Sif kölluð inn í lands­liðið vegna meiðsla Haf­dísar

Runólfur Trausti Þórhallsson skrifar
Saga Sif hefur verið kölluð inn í íslenska landsliðið sem mætir Svíþjóð ytra á morgun.
Saga Sif hefur verið kölluð inn í íslenska landsliðið sem mætir Svíþjóð ytra á morgun. Vísir/Hulda Margrét

Hafdís Renötudóttir, markvörður íslenska landsliðsins í handbolta, verður ekki með í leiknum gegn Svíþjóð á morgun vegna meiðsla. Saga Sif Gísladóttir hefur verið kölluð inn í hópinn.

Hafdís hefur verið einkar óheppin með meiðsli undanfarin misseri og fengið allmörg höfuðhögg. Ekki var um höfuðmeiðsli að ræða að þessu sinni en Hafdís meiddist á ökkla samkvæmt frétt Handbolti.is.

Meiðslin munu að öllum líkindum aftra Hafdísi frá því að taka þátt í leik morgundagsins og því hefur Saga Sif verið kölluð inn í hópinn.

Ísland mætir Svíþjóð í Eskilstuna klukkan 17.00 á morgun í fyrsta leik undankeppni EM 2022. Elín Jóna Þorsteinsdóttir og Saga Sif munu standa vaktina í marki liðsins eins og staðan er í dag.

Handbolti EM kvenna í handbolta 2022

Mest lesið


Fleiri fréttir

Sjá meira


×

Mest lesið