Sjálfstæðisflokkur græði á að vera í stjórn og stjórnarandstöðu Sunna Sæmundsdóttir skrifar 24. ágúst 2021 17:26 Könnun Maskínu var gerð á dögunum 13. til 23. ágúst. Sjálfstæðisflokkurinn græðir á því að vera bæði í stjórn og stjórnarandstöðu í sóttvarnaraðgerðum að mati prófessors í stjórnmálafræði. Fylgi flokksins eykst í nýrri Maskínukönnun en vinsældir stjórnarandstöðunnar dala. Samkvæmt nýrri Maskínukönnun sem var gerð fyrir fréttastofu á dögunum 13. til 23. ágúst eykst fylgi stjórnarflokkanna og bæði Sjálfstæðisflokkur og Framsókn bæta við sig um tveimur og hálfu prósenti. Sjálfstæðisflokkurinn mælist með 23,4 prósent fylgi en Framsókn með 12,6 prósent. Í Pallborðinu á Vísi í dag benti Eiríkur Bergmann, prófessor í stjórnmálafræði, á að sú sérstaka staða sé uppi að Sjálfstæðisflokkurinn virðist í stjórn og stjórnarandstöðu í stærsta kosningamálinu - sóttvörnum. Eiríkur Bergmann, prófessor í stjórnmálafræði, ræddi nýja Maskínukönnun og pólitíkina í Pallborðinu á Vísi í dag.vísir/Vilhelm „Þetta tekst flokknum held ég vegna þess að það er enginn stjórnarandstöðuflokkanna sem hefur tekið sér stöðu svona frjálslyndismegin, sem sagt gegn þeim tálmunum sem settar hafa verið,“ segir Eiríkur. „Og meira að segja hafa ráðherrar flokksins gengið svo langt að lýsa annarri stefnu, sinni persónulegu stefnu, heldur en sem felast í ráðstöfunum sem þeir samþykkja sjálfir við ríkisstjórnarborðið. Þetta er auðvitað mjög sérstakt.“ Þessi staða og skortur á andstöðu komi á óvart. „Akkúrat á þessu aunabliki sem við erum á núna, þá er staðan held ég sú að Íslendingar búa við ef ekki mestu, þá einna mestu takmarkanirnar innan Evrópska efnahagssvæðisins; af öllum ríkjum þess,“ segir Eiríkur. „Þegar mánuður er til kosninga og þetta er staðan að þá hljótum við að sjá að um þetta verður rætt.“ Áslaug Arna Sigurbjörnsdóttir, dómsmálaráðherra. Eiríkur bendir á að ráðherrar Sjálfstæðisflokksins hafi notið þess að vera nánast einir í stjórnarandstöðu gegn sóttvarnaraðgerðum á sama tíma og flokkurinn situr í ríkisstjórn.vísir/Vilhelm Fylgi Vinstri Grænna stendur hins vegar í stað í um fjórtán prósentum. Eiríkur telur kjósendur flokksins að mestu ángæða með stefnu flokksins í sóttvarnamálum. „Að hafa fylgt ráðum sóttvarnalæknis og haldið úti tiltölulega ströngum sóttvarnaráðstöfunum. Ég held að kjósendur VG séu ánægðir með það,“ segir Eiríkur og bætir við að flokkurinn eigi líklega við önnur vandamál að stríða. „Það er annars vegar stór hluti kjósenda flokksins sem unir sér illa í stjórnarsamstarfi með Sjálfstæðisflokknum og hikar þess vegna við að kjósa Vinstri Græna. Og hins vegar er sótt verulega að þeim af vinstri vængnum,“ segir Eiríkur og vísar til Sósíalista en fylgi þeirra heldur áfram að hækka og mælist nú tæp sjö prósent. Gunnar Smári Egilsson, formaður framkvæmdastjórnar Sósíalistaflokksins. Flokkurinn mælist með 6,9% fylgi samkvæmt nýrri könnun.vísir/Arnar Fylgi allra stjórnarandstöðuflokka á þingi dregst saman. Mest lækka Píratar úr tæpum þrettán prósentum í um tíu prósent. Viðreisn fer úr rúmum tólf prósentum í tæp ellefu prósent en Samfylkingin úr tæpum fjórtán prósentum í þrettán prósent. Eiríkur telur flokkana hafa skilað auðu í umræðu um sóttvarnir og rekur fylgistapið til þess. „Þeir flokkar sem sögulega séð hafa stillt sér upp sem frjálslyndum á Íslandi, það er að segja Samfylking, Píratar og Viðreisn, þeir hafa ekki tekið upp þetta frelsisflagg í þessu máli og tveir þeirra hafa stillt sér upp strangar. Og allir þessir flokkar eru að tapa verulegu fylgi í þessari könnun.“ Sigmundur Davíð Gunnlaugsson, formaður Miðflokksins. Flokkurinn mælist með einungis 5,1% fylgi.vísir/Vilhelm Vandi Miðflokksins og Flokks fólksins er nokkuð alvarlegur og báðir mælast réttt fyrir ofan og neðan fimm prósenta þröskuldinn. Miðflokkurinn er með rúm fimm prósent en Flokkur Fólksins næði ekki inn á þing með rúm fjögur prósent. Eiríkur telur jafnvel mögulegt að einungis sex flokkar nái inn á þing og að Sósíalistar, Flokkur fólksins og Miðflokkur lendi fyrir neðan þröskuld. Möguleiki á vinstri stjórn fari þverrandi miðað við stöðuna nú. „Maður sér ekki neinn meirihluta sem liggur mjög þungt vinstra megin í kortunum.“ Er hann ólíklegur? „Allar slíkar samsetningar þurfa að teygja sig vel yfir hrygginn.“ Alþingiskosningar 2021 Ríkisstjórn Katrínar Jakobsdóttur Pallborðið Mest lesið Hafa þurft að skrúfa fyrir vatnið víða vegna leka Innlent Hafa fundið fimm af sex sem er saknað úr sokknu snekkjunni Erlent Stálu íslensku grjóti en sáu að sér Innlent Kallar eftir þjóðarátaki gegn nikótínvánni Innlent Lést af völdum voðaskots á gæsaveiðum Innlent Ítrekaði mikilvægi samkomulags um vopnahlé við Netanjahú Erlent Áfram stöðugur vöxtur í Skaftá Innlent Hvetja fólk til að láta vita af lekum Innlent Félagsheimilið lagt í rúst um hábjartan dag Innlent Kyrrðar- og minningarstund vegna slyssins við Hálslón Innlent Fleiri fréttir Hvetja fólk til að láta vita af lekum Áfram stöðugur vöxtur í Skaftá Hafa þurft að skrúfa fyrir vatnið víða vegna leka Stálu íslensku grjóti en sáu að sér Ólympíufara fagnað á Selfossi Kallar eftir þjóðarátaki gegn nikótínvánni Kyrrðar- og minningarstund vegna slyssins við Hálslón Óvenjuleg björgunaraðgerð um borð í Herjólfi Mikil þensla kemur í veg fyrir lækkun vaxta Forsætisráðherra segir sátt ríkja um samgöngusáttmála Sköpunarverk föður hans lifnar við í Vesturbænum Leiguverð hefur hækkað um rúm 15 prósent milli ára Krefjast þess að ráðherra dragi fyrirmæli sín til lögreglu til baka Samgöngusáttmáli, stýrivextir og nikótínrisar Borgarlína í grunninn bara betri strætó Miklabraut í jarðgöng, Sæbraut í stokk og óbreytt Borgarlínuáform Félagsheimilið lagt í rúst um hábjartan dag Stefna á skóflustungu að nýrri bálstofu í haust Fær Amsterdam-reiðuféð ekki til baka frá lögreglu Hafa ekki fundið árásarmennina í Eyjum Engin salernisaðstaða við Kerið þrátt fyrir hagnað og ellefu ára gjaldtöku Nú má heita Arló og Marló en ekki Salvarr Bein útsending: Samgöngusáttmálinn uppfærður Skaftárhlaup í hægum vexti og íbúar varaðir við hættu Eitrað fyrir ketti í Sandgerði Kjarasamningar ekki enn skilað minni verðbólgu Vextirnir lækka ekki í bráð og heita vatnið tekið að streyma Faraldur innbrota í hjólreiðabúðir Hafa áhyggjur af því að hraun muni ná inn fyrir varnargarða Göngutúr í góða veðrinu varð að martröð Sjá meira
Samkvæmt nýrri Maskínukönnun sem var gerð fyrir fréttastofu á dögunum 13. til 23. ágúst eykst fylgi stjórnarflokkanna og bæði Sjálfstæðisflokkur og Framsókn bæta við sig um tveimur og hálfu prósenti. Sjálfstæðisflokkurinn mælist með 23,4 prósent fylgi en Framsókn með 12,6 prósent. Í Pallborðinu á Vísi í dag benti Eiríkur Bergmann, prófessor í stjórnmálafræði, á að sú sérstaka staða sé uppi að Sjálfstæðisflokkurinn virðist í stjórn og stjórnarandstöðu í stærsta kosningamálinu - sóttvörnum. Eiríkur Bergmann, prófessor í stjórnmálafræði, ræddi nýja Maskínukönnun og pólitíkina í Pallborðinu á Vísi í dag.vísir/Vilhelm „Þetta tekst flokknum held ég vegna þess að það er enginn stjórnarandstöðuflokkanna sem hefur tekið sér stöðu svona frjálslyndismegin, sem sagt gegn þeim tálmunum sem settar hafa verið,“ segir Eiríkur. „Og meira að segja hafa ráðherrar flokksins gengið svo langt að lýsa annarri stefnu, sinni persónulegu stefnu, heldur en sem felast í ráðstöfunum sem þeir samþykkja sjálfir við ríkisstjórnarborðið. Þetta er auðvitað mjög sérstakt.“ Þessi staða og skortur á andstöðu komi á óvart. „Akkúrat á þessu aunabliki sem við erum á núna, þá er staðan held ég sú að Íslendingar búa við ef ekki mestu, þá einna mestu takmarkanirnar innan Evrópska efnahagssvæðisins; af öllum ríkjum þess,“ segir Eiríkur. „Þegar mánuður er til kosninga og þetta er staðan að þá hljótum við að sjá að um þetta verður rætt.“ Áslaug Arna Sigurbjörnsdóttir, dómsmálaráðherra. Eiríkur bendir á að ráðherrar Sjálfstæðisflokksins hafi notið þess að vera nánast einir í stjórnarandstöðu gegn sóttvarnaraðgerðum á sama tíma og flokkurinn situr í ríkisstjórn.vísir/Vilhelm Fylgi Vinstri Grænna stendur hins vegar í stað í um fjórtán prósentum. Eiríkur telur kjósendur flokksins að mestu ángæða með stefnu flokksins í sóttvarnamálum. „Að hafa fylgt ráðum sóttvarnalæknis og haldið úti tiltölulega ströngum sóttvarnaráðstöfunum. Ég held að kjósendur VG séu ánægðir með það,“ segir Eiríkur og bætir við að flokkurinn eigi líklega við önnur vandamál að stríða. „Það er annars vegar stór hluti kjósenda flokksins sem unir sér illa í stjórnarsamstarfi með Sjálfstæðisflokknum og hikar þess vegna við að kjósa Vinstri Græna. Og hins vegar er sótt verulega að þeim af vinstri vængnum,“ segir Eiríkur og vísar til Sósíalista en fylgi þeirra heldur áfram að hækka og mælist nú tæp sjö prósent. Gunnar Smári Egilsson, formaður framkvæmdastjórnar Sósíalistaflokksins. Flokkurinn mælist með 6,9% fylgi samkvæmt nýrri könnun.vísir/Arnar Fylgi allra stjórnarandstöðuflokka á þingi dregst saman. Mest lækka Píratar úr tæpum þrettán prósentum í um tíu prósent. Viðreisn fer úr rúmum tólf prósentum í tæp ellefu prósent en Samfylkingin úr tæpum fjórtán prósentum í þrettán prósent. Eiríkur telur flokkana hafa skilað auðu í umræðu um sóttvarnir og rekur fylgistapið til þess. „Þeir flokkar sem sögulega séð hafa stillt sér upp sem frjálslyndum á Íslandi, það er að segja Samfylking, Píratar og Viðreisn, þeir hafa ekki tekið upp þetta frelsisflagg í þessu máli og tveir þeirra hafa stillt sér upp strangar. Og allir þessir flokkar eru að tapa verulegu fylgi í þessari könnun.“ Sigmundur Davíð Gunnlaugsson, formaður Miðflokksins. Flokkurinn mælist með einungis 5,1% fylgi.vísir/Vilhelm Vandi Miðflokksins og Flokks fólksins er nokkuð alvarlegur og báðir mælast réttt fyrir ofan og neðan fimm prósenta þröskuldinn. Miðflokkurinn er með rúm fimm prósent en Flokkur Fólksins næði ekki inn á þing með rúm fjögur prósent. Eiríkur telur jafnvel mögulegt að einungis sex flokkar nái inn á þing og að Sósíalistar, Flokkur fólksins og Miðflokkur lendi fyrir neðan þröskuld. Möguleiki á vinstri stjórn fari þverrandi miðað við stöðuna nú. „Maður sér ekki neinn meirihluta sem liggur mjög þungt vinstra megin í kortunum.“ Er hann ólíklegur? „Allar slíkar samsetningar þurfa að teygja sig vel yfir hrygginn.“
Alþingiskosningar 2021 Ríkisstjórn Katrínar Jakobsdóttur Pallborðið Mest lesið Hafa þurft að skrúfa fyrir vatnið víða vegna leka Innlent Hafa fundið fimm af sex sem er saknað úr sokknu snekkjunni Erlent Stálu íslensku grjóti en sáu að sér Innlent Kallar eftir þjóðarátaki gegn nikótínvánni Innlent Lést af völdum voðaskots á gæsaveiðum Innlent Ítrekaði mikilvægi samkomulags um vopnahlé við Netanjahú Erlent Áfram stöðugur vöxtur í Skaftá Innlent Hvetja fólk til að láta vita af lekum Innlent Félagsheimilið lagt í rúst um hábjartan dag Innlent Kyrrðar- og minningarstund vegna slyssins við Hálslón Innlent Fleiri fréttir Hvetja fólk til að láta vita af lekum Áfram stöðugur vöxtur í Skaftá Hafa þurft að skrúfa fyrir vatnið víða vegna leka Stálu íslensku grjóti en sáu að sér Ólympíufara fagnað á Selfossi Kallar eftir þjóðarátaki gegn nikótínvánni Kyrrðar- og minningarstund vegna slyssins við Hálslón Óvenjuleg björgunaraðgerð um borð í Herjólfi Mikil þensla kemur í veg fyrir lækkun vaxta Forsætisráðherra segir sátt ríkja um samgöngusáttmála Sköpunarverk föður hans lifnar við í Vesturbænum Leiguverð hefur hækkað um rúm 15 prósent milli ára Krefjast þess að ráðherra dragi fyrirmæli sín til lögreglu til baka Samgöngusáttmáli, stýrivextir og nikótínrisar Borgarlína í grunninn bara betri strætó Miklabraut í jarðgöng, Sæbraut í stokk og óbreytt Borgarlínuáform Félagsheimilið lagt í rúst um hábjartan dag Stefna á skóflustungu að nýrri bálstofu í haust Fær Amsterdam-reiðuféð ekki til baka frá lögreglu Hafa ekki fundið árásarmennina í Eyjum Engin salernisaðstaða við Kerið þrátt fyrir hagnað og ellefu ára gjaldtöku Nú má heita Arló og Marló en ekki Salvarr Bein útsending: Samgöngusáttmálinn uppfærður Skaftárhlaup í hægum vexti og íbúar varaðir við hættu Eitrað fyrir ketti í Sandgerði Kjarasamningar ekki enn skilað minni verðbólgu Vextirnir lækka ekki í bráð og heita vatnið tekið að streyma Faraldur innbrota í hjólreiðabúðir Hafa áhyggjur af því að hraun muni ná inn fyrir varnargarða Göngutúr í góða veðrinu varð að martröð Sjá meira