Körfubolti

Helgi Már tekur við KR

Ingvi Þór Sæmundsson skrifar
Helgi Már Magnússon og Jakob Örn Sigurðarson eru teknir við karlaliði KR.
Helgi Már Magnússon og Jakob Örn Sigurðarson eru teknir við karlaliði KR. kr

Helgi Már Magnússon hefur verið ráðinn þjálfari karlaliðs KR í körfubolta. Honum til aðstoðar verður Jakob Örn Sigurðarson. Helgi skrifaði undir þriggja ára samning við KR og Jakob eins árs samning.

Helgi tekur við KR af Darra Frey Atlasyni sem hætti með liðið vegna anna í vinnu. Á síðasta tímabili endaði KR í 5. sæti Domino's deildar karla og féll úr leik fyrir Keflavík, 3-0, í undanúrslitum úrslitakeppninnar. Þar með lauk sex ára einokun KR-inga á Íslandsmeistaratitlinum.

Helgi og Jakob eru uppaldir KR-ingar og af hinni frægu 1982-kynslóð. Þeir lögðu báðir skóna á hilluna eftir síðasta tímabil. 

Þetta er í annað sinn sem Helgi stýrir KR en hann var spilandi þjálfari liðsins tímabilið 2012-13. Honum til aðstoðar var Finnur Freyr Stefánsson sem tók svo við KR um sumarið og gerði liðið að Íslandsmeisturum fimm ár í röð.

Dominos-deild karla KR

Mest lesið


Fleiri fréttir

Sjá meira


×

Mest lesið