Ísak Óli og félagar áfram í danska bikarnum eftir stórsigur

Charlie Winfield kom Esbjerg yfir eftir 18 mínútna leik áður en Elias Sørensen töfaldaði forystuna tíu mínútum seinna af vítapunktinum.

Sørensen var aftur á ferðinni á 32. mínútu þegar hann kom gestunum í 3-0, og aðeins fjórum mínútum seinna bætti Patrick Schmidt fjórða markinu við.

Staðan var því 4-0 í hálfleik, en heimamenn minnkuðu muninn þegar rúmar 20 mínútur voru til leiksloka með marki frá Jonas Nystrup.

Gestirnir gerðu hinsvegar algjörlega út um leikinn um þrem mínútum fyrir leikslok með marki frá Gustav Jensen.

Ísak Óli og félagar eru því komnir áfram í 32-liða úrslit eftir sigurinn.