Innlent

Metfjöldi sjúkraflutninga í gær

Árni Sæberg skrifar
Slökkvilið þurfti að slökkva eld sem kom upp í bíl í gær.
Slökkvilið þurfti að slökkva eld sem kom upp í bíl í gær. Slökkvilið Höfuðborgarsvæðisins

„Svei mér þá ef ekki enn eitt metið sé fallið,“ þetta segir í tilkynningu sem Slökkviliðið á höfuðborgarsvæðinu birti á Facebook í dag. Slökkviliðið sinnti alls 186 sjúkraflutningum í gær.

Af 186 sjúkraflutningum í gær voru 30 forgangsflutningar og 48 Covid-19 flutningar. Slökkviliðið biðlar til almennings að leggjast á eitt í baráttunni við faraldur Covid-19 og fara eftir gefnum leiðbeiningum til þess að fækka Covid-19 flutningum.

Slökkviliðið segir tvær bílveltur hafa tekið mikinn tíma í gær og að mikinn mannskap hafi þurft til að sinna útköllunum. Vísir greindi frá annarri bílveltunni í morgun.

Þá sinnti slökkviliðið sjö útköllum þar sem nota þurfti dælubíl.

Reykjavík Slökkvilið Sjúkraflutningar Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið