Sjáðu þegar að Óskar Örn skoraði deildarmark númer hundrað í kvöld

Þetta var annað mark KR í 4-0 sigri gegn Árbæjarliðinu, en það er ekki hægt að segja að þetta hafi verið fallegasta mark Óskars á ferlinum.

KR-ingar komust þá í skyndisókn þar sem að Stefán Árni Geirsson bar boltann upp. Hann gaf síðan boltann á Atla Sigurjónsson sem kom honum fyrir markið á Óskar Örn. Skot Óskars var hinsvegar ekki merkilegt og Aron Snær Friðriksson sá við honum í marki Fylkismanna.

Kennie Chopart tók frákastið og skaut að marki, en Daði Ólafsson gerði virkilega vel í að bjarga á línu. Það fór þó ekki alveg eins og Daði vildi, heldur fór boltinn í Óskar og skaust þaðan í netið.

Mark Óskars má sjá í spilaranum hér að neðan.