Segjast hafa staðfest alla sendendur Vésteinn Örn Pétursson og Nadine Guðrún Yaghi skrifa 4. júlí 2021 08:47 Ingólfur Þórarinsson segist munu leita réttar síns í málinu. Öfgar hafa hvergi nafngreint hann í tengslum við sögurnar sem hópurinn hefur birt á TikTok. Vísir/Vilhelm Aðgerðasinnahópurinn Öfgar, sem birt hefur nafnlausar frásagnir kvenna af ofbeldi þjóðþekkts tónlistarmanns, sendi frá sér yfirlýsingu seint í gærkvöldi vegna fréttar DV í gær. Hópurinn segist þá aldrei hafa nafngreint Ingólf Þórarinsson, sem nú hefur sagst ætla að leita réttar síns vegna frásagnanna. Í fréttinni sem um ræðir segir DV frá því að kona, sem þó kom nafnlaust fram á Twitter, hafi greint frá því að lygasaga um Ingólf, sem þó hefur hvergi verið nafngreindur í þeim frásögnum sem Öfgar hafa birt, hefði verið meðal þeirra frásagna sem Öfgar birtu á TikTok-reikningi sínum, hvar fleiri frásagnir af ofbeldi sama einstaklings hafa verið settar fram. „Við í Öfgum höfum tekið við fjölda frásagna frá konum síðustu tvö ár. Hver einsta frásögn hefur verið staðfest með því að bera saman sendanda við Íslendingabók, engin frásögn sem birt hefur verið hefur komið frá sendanda sem ekki er hægt að staðfesta,“ segir í yfirlýsingunni. Sjá einnig: Ingó leitar réttar síns: „Ég veit hver ég er og hvað ég hef gert“ „Frásagnirnar eru nafnlausar til að vernda þolendur auk þess hefur meintur gerandi ekki verið nefndur á nafn þó svo að um sama aðila sé að ræða í öllum frásögnunum. Öll kennileiti hafa verið fjarlægð til að ekki sé hægt að tengja frásagnirnar við ákveðinn meintan gerenda. Einnig höfum við rætt við þolendur og séð myndir af áverkum.“ Þá segir að stór hluti þolenda hafi verið undir lögaldri þegar meint brot áttu sér stað „Við munum aldrei rjúfa trúnað við þær sem hafa treyst okkur fyrir frásögnum sínum. Þolendur hafa rétt á að segja sínar sögur, nafnlausar eða undir nafni án þess að almenningur heimti nafngreiningu á meintum geranda og að hann sér ákærður og dreginn fyrir dóm,“ segir í yfirlýsingu sem Öfgar sendu fjölmiðlum í gærkvöldi. Dómskerfið hafi brugðist Í yfirlýsingunni segir jafnframt að með því að birta frásagnirnar sé hópurinn að benda á kerfisbundið vandamál í samfélaginu og þann veruleika sem konur búi við. Nauðgunarmenning og kynferðisbundið ofbeldi séu samfélagsleg vandamál og að dómskerfið hafi algerlega brugðist þolendum í þeim efnum. „Viðbrögð samfélagsins á internetinu undirstrikar það vel hvers vegna þolendur ofbeldis segja ekki frá fyrr en löngu eftir að brot hefur átt sér stað og fara ekki dómsleiðina. Frásagnir þolenda eru ákall á breytingar. Dómskerfið eitt og sér mun ekki laga vandamálin sem við stöndum frammi fyrir þegar kemur að nauðgunarmenningu. Þar berum við öll samfélagslega ábyrgð.“ Yfirlýsing frá hópnum Öfgar í kjölfar drasl fréttamennsku 🥰🥰🥰 pic.twitter.com/zReBk7hNjs— Tanja Ísfjörð (@tanjaisfjord) July 4, 2021 Munu ekki staðfesta að hverjum frásagnirnar snúa „Fréttaflutningur DV var til þess gerður að draga úr trúverðugleika þolenda. Blaðamaður DV býr til frétt úr tvíti á Twitter þar sem einstaklingur segist hafa sent upplognar frásagnir undir nafnlausum aðgöngum. Það stenst ekki þar sem við höfum, eins og áður segir, staðfest alla sendendur,“ segir í yfirlýsingunni. Í frétt DV kemur fram að ekki hafi tekist að hafa uppi á konunni sem sagðist hafa sent inn upplogna sögu, og að Twitter-aðgangi hennar hafi nú verið eytt. Öfgar taka þá skýrt fram að í frásögnum sem hópurinn birtir hafi enginn verið nafngreindur, og því ekki á ábyrgð hópsins að fjölmiðlar eða Ingólfur sjálfur hafi tengt þær við hann. „Það að Ingólfur eða fjölmiðlar hafi tengt hann við sögurnar er ekki okkar mál. Við höfum hvergi gefið upp um hvern ræðir og munum ekki staðfesta hver meintur gerandi sé. Við tölum um einn mann og fjölda frásagna sem okkur hafa borist.“ MeToo Kynferðisofbeldi Mál Ingólfs Þórarinssonar Mest lesið Árásir stóðu yfir í rúma tólf tíma Erlent Með bílinn fullan af fíkniefnum Innlent Rak frá Bretlandi til Íslands á einum mánuði Innlent Lögreglan með málið til rannsóknar Innlent Rándýr og stórbrotin afmæli hitta ekki í mark hjá krökkunum Innlent Segist hafa hafnað boði til einkaeyju Epsteins Erlent Ellilífeyrisþegar sá hópur sem hafi það einna best Innlent Loka aftur fyrir umferð á slóðum Vítisengla Innlent Bíll valt eftir flótta undan lögreglu og þrír slösuðust Innlent Vill fá Trump til að gefa Taívan upp á bátinn Erlent Fleiri fréttir Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Geirfinnsmálið, orkuöflun, gjaldeyrishöftin og íslenskan á Sprengisandi Drógu aflvana bát í land í Neskaupstað Með bílinn fullan af fíkniefnum „Það verður boðið fram í nafni VG“ Loka aftur fyrir umferð á slóðum Vítisengla „Þjóðaröryggisráð er ekki upp á punt“ Rak frá Bretlandi til Íslands á einum mánuði Bátur sekkur við Hafnarfjarðarhöfn Ellilífeyrisþegar sá hópur sem hafi það einna best Rándýr og stórbrotin afmæli hitta ekki í mark hjá krökkunum Þór sækist eftir endurkjöri Furðar sig á þjóðaröryggisráði og rándýr barnaafmæli Aftur flagnar Vesturbæjarlaug: „Eins og hún sé með skallablett“ Þyrlan kölluð út vegna vélsleðaslyss á Langjökli „Gervigreind er líka fyrir heimilið“ Hringvegurinn opnaður á ný klukkan 17 Snæfellsnes orðið að vistvangi UNESCO „Stór húsnæðis- og efnahagspakki“ á leiðinni Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Sjá meira
Í fréttinni sem um ræðir segir DV frá því að kona, sem þó kom nafnlaust fram á Twitter, hafi greint frá því að lygasaga um Ingólf, sem þó hefur hvergi verið nafngreindur í þeim frásögnum sem Öfgar hafa birt, hefði verið meðal þeirra frásagna sem Öfgar birtu á TikTok-reikningi sínum, hvar fleiri frásagnir af ofbeldi sama einstaklings hafa verið settar fram. „Við í Öfgum höfum tekið við fjölda frásagna frá konum síðustu tvö ár. Hver einsta frásögn hefur verið staðfest með því að bera saman sendanda við Íslendingabók, engin frásögn sem birt hefur verið hefur komið frá sendanda sem ekki er hægt að staðfesta,“ segir í yfirlýsingunni. Sjá einnig: Ingó leitar réttar síns: „Ég veit hver ég er og hvað ég hef gert“ „Frásagnirnar eru nafnlausar til að vernda þolendur auk þess hefur meintur gerandi ekki verið nefndur á nafn þó svo að um sama aðila sé að ræða í öllum frásögnunum. Öll kennileiti hafa verið fjarlægð til að ekki sé hægt að tengja frásagnirnar við ákveðinn meintan gerenda. Einnig höfum við rætt við þolendur og séð myndir af áverkum.“ Þá segir að stór hluti þolenda hafi verið undir lögaldri þegar meint brot áttu sér stað „Við munum aldrei rjúfa trúnað við þær sem hafa treyst okkur fyrir frásögnum sínum. Þolendur hafa rétt á að segja sínar sögur, nafnlausar eða undir nafni án þess að almenningur heimti nafngreiningu á meintum geranda og að hann sér ákærður og dreginn fyrir dóm,“ segir í yfirlýsingu sem Öfgar sendu fjölmiðlum í gærkvöldi. Dómskerfið hafi brugðist Í yfirlýsingunni segir jafnframt að með því að birta frásagnirnar sé hópurinn að benda á kerfisbundið vandamál í samfélaginu og þann veruleika sem konur búi við. Nauðgunarmenning og kynferðisbundið ofbeldi séu samfélagsleg vandamál og að dómskerfið hafi algerlega brugðist þolendum í þeim efnum. „Viðbrögð samfélagsins á internetinu undirstrikar það vel hvers vegna þolendur ofbeldis segja ekki frá fyrr en löngu eftir að brot hefur átt sér stað og fara ekki dómsleiðina. Frásagnir þolenda eru ákall á breytingar. Dómskerfið eitt og sér mun ekki laga vandamálin sem við stöndum frammi fyrir þegar kemur að nauðgunarmenningu. Þar berum við öll samfélagslega ábyrgð.“ Yfirlýsing frá hópnum Öfgar í kjölfar drasl fréttamennsku 🥰🥰🥰 pic.twitter.com/zReBk7hNjs— Tanja Ísfjörð (@tanjaisfjord) July 4, 2021 Munu ekki staðfesta að hverjum frásagnirnar snúa „Fréttaflutningur DV var til þess gerður að draga úr trúverðugleika þolenda. Blaðamaður DV býr til frétt úr tvíti á Twitter þar sem einstaklingur segist hafa sent upplognar frásagnir undir nafnlausum aðgöngum. Það stenst ekki þar sem við höfum, eins og áður segir, staðfest alla sendendur,“ segir í yfirlýsingunni. Í frétt DV kemur fram að ekki hafi tekist að hafa uppi á konunni sem sagðist hafa sent inn upplogna sögu, og að Twitter-aðgangi hennar hafi nú verið eytt. Öfgar taka þá skýrt fram að í frásögnum sem hópurinn birtir hafi enginn verið nafngreindur, og því ekki á ábyrgð hópsins að fjölmiðlar eða Ingólfur sjálfur hafi tengt þær við hann. „Það að Ingólfur eða fjölmiðlar hafi tengt hann við sögurnar er ekki okkar mál. Við höfum hvergi gefið upp um hvern ræðir og munum ekki staðfesta hver meintur gerandi sé. Við tölum um einn mann og fjölda frásagna sem okkur hafa borist.“
MeToo Kynferðisofbeldi Mál Ingólfs Þórarinssonar Mest lesið Árásir stóðu yfir í rúma tólf tíma Erlent Með bílinn fullan af fíkniefnum Innlent Rak frá Bretlandi til Íslands á einum mánuði Innlent Lögreglan með málið til rannsóknar Innlent Rándýr og stórbrotin afmæli hitta ekki í mark hjá krökkunum Innlent Segist hafa hafnað boði til einkaeyju Epsteins Erlent Ellilífeyrisþegar sá hópur sem hafi það einna best Innlent Loka aftur fyrir umferð á slóðum Vítisengla Innlent Bíll valt eftir flótta undan lögreglu og þrír slösuðust Innlent Vill fá Trump til að gefa Taívan upp á bátinn Erlent Fleiri fréttir Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Lögreglan með málið til rannsóknar Áframhaldandi aðgerðir gegn Vítisenglum Geirfinnsmálið, orkuöflun, gjaldeyrishöftin og íslenskan á Sprengisandi Drógu aflvana bát í land í Neskaupstað Með bílinn fullan af fíkniefnum „Það verður boðið fram í nafni VG“ Loka aftur fyrir umferð á slóðum Vítisengla „Þjóðaröryggisráð er ekki upp á punt“ Rak frá Bretlandi til Íslands á einum mánuði Bátur sekkur við Hafnarfjarðarhöfn Ellilífeyrisþegar sá hópur sem hafi það einna best Rándýr og stórbrotin afmæli hitta ekki í mark hjá krökkunum Þór sækist eftir endurkjöri Furðar sig á þjóðaröryggisráði og rándýr barnaafmæli Aftur flagnar Vesturbæjarlaug: „Eins og hún sé með skallablett“ Þyrlan kölluð út vegna vélsleðaslyss á Langjökli „Gervigreind er líka fyrir heimilið“ Hringvegurinn opnaður á ný klukkan 17 Snæfellsnes orðið að vistvangi UNESCO „Stór húsnæðis- og efnahagspakki“ á leiðinni Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Sjá meira