Dag­skráin í dag: Fara Þórsarar í úr­slit eða tekst Stjörnunni að knýja fram odda­leik?

Þá sýnum við einnig síðasta leik Evrópumeistara Portúgala áður titilvörnin hefst sem og leik í úrslitakeppni spænska körfuboltans.

Stöð 2 Sport

Klukkan 19.45 hefst upphitun fyrir leik kvöldsins í úrslitakeppni Domino´s deildarinnar í körfubolta. Klukkan 20.10 er svo komið að leiknum og að lokum verður farið yfir allt sem gerðist í leiknum í Körfuboltakvöldi klukkan 22.00.

Vinni Þór Þorlákshöfn er liðið komið í úrslit gegn Keflavík á meðan Stjarnan þarf sigur til að knýja fram oddaleik.

Stöð 2 Sport 2

Klukkan 18.35 er vináttulandsleikur Portúgals og Ísrael á dagskrá. Er þetta síðasti leikur Portúgals áður en Evrópumótið hefst en liðið á titil að verja eftir að hafa unnið EM í Frakklandi sumarið 2016.

Stöð 2 Sport 3

Lenovo tekur á móti Barca í úrslitakeppni spænska körfuboltans klukkan 19.05 í kvöld.