Innlent

Tveir af þrjátíu ferkílómetrum Heiðmerkur brunnir

Gunnar Reynir Valþórsson skrifar
Ragnar Axelsson ljósmyndari fangaði umfang brunans í gær. Neðst á myndinni má sjá viðbragðsaðila á veginum, sem áttu erfitt með að komast að brunasvæðinu.
Ragnar Axelsson ljósmyndari fangaði umfang brunans í gær. Neðst á myndinni má sjá viðbragðsaðila á veginum, sem áttu erfitt með að komast að brunasvæðinu. Vísir/RAX

Slökkviliði tókst að ráða niðurlögum gróðureldana í Heiðmörk í nótt og er störfum á vettvangi lokið. Að sögn varðstjóra hjá slökkviliðinu á höfuðborgarsvæðinu voru síðustu menn farnir af svæðinu um fjögurleytið.

Hann segir að dregið hafi úr vindi um miðnættið, sem hafi hjálpað til í baráttunni en slökkviliðið barðist við eldana stóran hluta gærdagsins og er ljóst að mikið gróðurlendi er brunnið. 

Þegar mest lét voru um sextíu menn frá slökkviliðinu auk björgunarsveitarfólks og lögreglu að berjast við að hefta útbreiðslu eldanna. Þyrla Landhelgisgæslunnar nýttist einnig í baráttunni um nokkurn tíma, eða uns slökkvibúnaður hennar bilaði þannig að hún þurfti frá að hverfa. 

Talið er að brunnið hafi á rúmum tveimur ferkílómetrum, en flatarmál Heiðmerkur er alls um þrjátíu ferkílómetrar.

Reykjavík Gróðureldar í Heiðmörk Gróðureldar á Íslandi

Mest lesið


Fleiri fréttir

Sjá meira


×

Mest lesið