Átta látnir eftir elds­voða í Ríga

„Þetta var ekkert farfuglaheimili, heldur íbúð sem notuð var sem farfuglaheimili,“ segir borgarstjórinn Martin Stakis í samtali við lettneska fjölmiðla.

Eldurinn kom upp á sjöttu hæð hússins, sem er að finna nærri aðallestarstöð borgarinnar. Borgarstjórinn segir að þar hafi aðallega dvalið erlendir ríkisborgarar og eigi enn eftir að bera kennsl á fjölda hinna látnu.

Slökkvilið var kallað á vettvang um klukkan fimm að staðartíma í morgun, en auk þeirra sem slösuðust tókst að bjarga 24 úr húsinu.

Lögregla hefur hafið sakamálarannsókn á brunanum.