Þjálfari Söru Bjarkar rekinn

Lyon féll úr leik fyrir Paris Saint-Germain í átta liða úrslitum Meistaradeildarinnar. Það hafði ekki gerst frá tímabilinu 2014-15.

Lyon ákvað því að skipta Vasseur út. Hann hafði stýrt liðinu síðan 2019. Hann gerði Lyon að þreföldum meisturum á síðasta tímabili.

Sara Björk Gunnarsdóttir hefur ekki leikið með Lyon að undanförnu og leikur ekki með liðinu næstu mánuðina þar sem hún er barnshafandi.

Bompastor er fyrrverandi leikmaður Lyon og hefur þjálfað yngri lið félagsins síðan hún lagði skóna á hilluna 2013. Hún lék 156 leiki fyrir franska landsliðið á árunum 2000-13 og skoraði átján mörk.

Hin fertuga Bompastor stýrir Lyon í fyrsta sinn gegn Íslendingaliðinu Le Havre á föstudaginn. Lyon er í 2. sæti frönsku úrvalsdeildarinnar með 48 stig, einu stigi á eftir toppliði PSG.