Handbolti

Öruggur sigur KA/Þórs lyfti þeim á toppinn að nýju

Runólfur Trausti Þórhallsson skrifar
Landsliðskonan Rut Jónsdóttir er í liði KA/Þórs og fór hún mikinn í kvöld.
Landsliðskonan Rut Jónsdóttir er í liði KA/Þórs og fór hún mikinn í kvöld. VÍSIR/HAG

KA/Þór gerði góða ferð í Kópavog þar sem liðið lagði HK örugglega, 29-23, í Olís-deild kvenna í handbolta í kvöld. Þar með náði liðið toppsæti deildarinnar á nyjan leik.

Leikurinn kvöldsins var svo gott sem búinn í hálfleik en gestirnir frá Akureyri voru þá með átta marka forystu, staðan 15-7. Heimastúlkur klóruðu í bakkann í síðari hálfleik en munurinn var of mikill og topplið KA/Þórs fór á endanum með öruggan sigur af hólmi.

Lokatölur í Kórnum í kvöld 29-23 KA/Þór í vil og liðið er því komið á topp deildarinnar á nýjan leik. Akureyringar eru með 19 stig í fyrsta sæti á meðan Fram er sæti neðar með 18 stig. HK er svo í sjöunda sæti með níu stig.

Rut Jónsdóttir var markahæst í liði gestanna með níu mörk. Þar á eftir kom Aldís Ásta Heimisdóttir með átta mörk. Hjá HK var Jóhanna Margrét Sigurðardóttir markahæst með sex mörk.

Handbolti Olís-deild kvenna HK KA Þór Akureyri Íslenski handboltinn

Mest lesið


Fleiri fréttir

Sjá meira


×

Mest lesið