Fjöl­skyldu­bingó á Stöð 2: Náðu í bingó­spjöldin hér

Hér fyrir neðan er hægt að ná í bingóspjöld. Allir geta tekið þátt með sínu símanúmeri og hvetjum við fólk til að safnast saman yfir útsendingunni og spila saman.

Bingóið er spilað hér á vefsíðunni. Til þess að fá bingóspjöld þarf að skrifa fullt nafn og slá inn símanúmer. Síðan skrá sig inn með tölunum sem sendar eru með smáskilaboðum í það símanúmer. Þá eru spjöldin orðin virk.

Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur. Hægt er að sækja spjöld með öllum símanúmerum.

Síðan er um að gera að fylgjast vandlega með því þegar Villi dregur út tölurnar. Ef þú skyldir fá bingó áttu að ýta á Bingó-takkann neðst á spjaldinu um leið. Ef þú ert í stuði er gott að kalla líka „BINGÓ!“

Í þættinum verða spilaðir að minnsta kosti sex leikir; G-O, B-N, B, I, Y og O. Í hverjum þeirra þarf að fá allar tölur í röðunum sem spilaðar eru til að fá bingó.

Glæsilegir vinningar

• Vodafone gefur Samsung spjaldölvu með Wifi, 4G og sérstöku barnaviðmóti
• Heimilistæki gefa True Go Slim heyrnartól og Boom Go hátalara
• Lindex gefur 50 þúsund króna gjafabréf
• Kids Coolshop gefur LOL bíl og veglegt Lego
• Sjáland býður tveimur í þriggja rétta kvöldverð
• Myndform gefur bíómiða fyrir fjóra í Laugarásbíó
• Nespresso gefur Essenza mini kaffivél
• Vita gefur flug fyrir tvo til Costa del Sol

Gangi ykkur vel og góða bingóskemmtun.

Uppfært. Leiknum er lokið.