Alls tóku 280 þátt í atkvæðagreiðslu um listana. Þar af greiddu 79 prósent atkvæði með staðfestingu þeirra, 17,5 prósent greiddu atkvæði á móti og 3,5 prósent skiluðu auðu.
Uppstillingarnefnd flokksins lagði til að Helga Vala Helgadóttir, þingmaður og formaður velferðarnefndar, leiddi lista flokksins í Reykjavíkurkjördæmi norður. Þá lagði nefndin til að Kristrún Frostadóttir hagfræðingur leiddi listann í Reykjavík suður.
Þá lagði nefndin til að Rósa Björk Brynjólfsdóttir tæki annað sæti listans í Reykjavíkurkjördæmi suður og Jóhann Páll Jóhannsson í Reykjavíkurkjördæmi norður.
Hugur í hópnum
Í tilkynningu frá fulltrúaráði Samfylkingarinnar í Reykjavík er haft eftir Kristrúnu að spennandi tímar séu fram undan fyrir flokkinn. Hún sé þakklát fyrir það traust sem henni sé sýnt.
„Við stöndum á tímamótum í efnahagssögunni og ljóst að stefna stjórnvalda á næsta kjörtímabili mun hafa gífurleg áhrif á þróun efnahags-, velferðar- og loftslagsmála um áraraðir. Nú skiptir máli að Samfylkingin sé tilbúin að stíga fast til jarðar, leggi fram trúverðuga efnahagsáætlun sem byggir á fjárfestingu í mannauði jafnt sem efnislegum gæðum, og veiti skýran valkost fyrir almenning í kosningunum í haust. Ég stíg auðmjúk en ákveðin inn á hið pólitíska svið fyrir hönd Samfylkingarinnar og hlakka mikið til að vinna með flokknum,“ er haft eftir Kristrúnu.
„Það er ótrúlegur hugur í þessum hópi sem skipar framboðslistann í Reykjavík, það er mikill lúxus að hafa svona fjölbreyttan hóp fólks sem er tilbúinn til þess að vinna að sigri Samfylkingarinnar í haust. Ég er þakklát flokksfólki í Reykjavík fyrir það traust sem mér er sýnt og hlakka til að hefja kosningabaráttuna strax á mánudag,“ er þá haft eftir Helgu Völu.
Fregnir hafa borist af því að nokkur ólga sé innan flokksins vegna tillagna nefndarinnar um uppstillingu. Jóhanna Vigdís Guðmundsdóttir, nú fyrrverandi varaþingmaður flokksins, sagði sig til að mynda úr flokknum á dögunum. Sagði hún vonbrigði að uppstillingarnefnd Samfylkingarinnar í Reykjavík hafi boðið nýliðum þrjú af efsti fjórum sætum á lista hennar til Alþingiskosninga.
Hér að neðan má sjá listann sem nefndin lagði til, og var samþykktur af fulltrúaráði:
Reykjavík norður
1. Helga Vala Helgadóttir, alþingismaður
2. Jóhann Páll Jóhannsson, blaðamaður
3. Dagbjört Hákonardóttir, lögfræðingur
4. Magnús Árni Skjöld, dósent
5. Ragna Sigurðardóttir, forseti UJ og læknanemi
6. Finnur Birgisson, arkitekt
7. Ásta Guðrún Helgadóttir, ráðgjafi
8. Ásgeir Beinteinsson, fyrrverandi skólastjóri
9. Magnea Marinósdóttir, alþjóðastjórnmálafræðingur
10. Sigfrús Ómar Höskuldsson, rekstrarfræðingur
11. Sonja Björg Jóhannsdóttir, deildarstjóri í leikskóla
12. Hallgrímur Helgason, rithöfundur
13. Alexanda Ýr, ritari Samfylkingarinnar
14. Hlal Jarrah, veitingamaður
15. Ing Auðbjörg Straumland, formaður Siðmenntar og kaospilot
16. Rúnar Geirmundsson, framkvæmdastjóri
17. Kolbrún Birna Hallgrímsdóttir, laganemi
18. Ólafur Örn Ólafsson, veitingamaður
19. Sólveig Ásgrímsdóttir, sálfræðingur og formaður 60+
20. Vilhjálmur Þorsteinsson, hugbúnaðarhönnuður
21. Heiða Björg Hilmisdóttir, varaformaður Samfylkingarinnar
22. Jóhanna Sigurðardóttir, fyrrverandi forsætisráðherra.
Reykjarvíkurkjördæmi suður
1. Kristrún Frostadóttir, hagfræðingur
2. Rósa Björk Brynjólfsdóttir, alþingismaður
3. Viðar Eggertsson, leikstjóri
4. Vilborg Oddsdóttir, félagsráðgjafi
5. Birgir Þórarinsson, tónlistarmaður
6. Aldís Mjöll Geirsdóttir, lögfræðingur
7. Gunnar Alexander Ólafsson, heilsuhagfræðingur
8. Ellen Calmon, borgarfulltrúi
9. Viktor Stefánsson, stjórnmálahagfræðingur
10. Elín Tryggvadóttir, hjúkrunarfræðingur
11. Hlynur Már Vilhjálmsson starfsmaður á frístundaheimili
12. Margret Adamsdóttir, leikskólakennari
13. Axel Jón Ellenarson, grafískur hönnuður
14. Ingibjörg S. Guðmundsdóttir, hjúkrunarfræðingur
15. Jakob Magnússon, veitingamaður.
16. Ingibjörg Grímsdóttir, þjónustufulltrúi
17. Jónas Hreinsson, rafiðnaðarmaður
18. Sólveig Jónasdóttir, kynningarfulltrúi Sameykis
19. Hildur Kjartansdóttir, myndlistarmaður
20. Ellert B. Schram, fyrrverandi alþingismaður
21. Sigríður Ingibjörg Ingadóttir, fyrrverandi alþingismaður
22. Dagur B. Eggertsson, borgarstjóri.
