Handbolti

Framkonur upp að hlið KA/Þór með stórsigri í Kórnum

Arnar Geir Halldórsson skrifar
Tólf mörk.
Tólf mörk. VÍSIR/BÁRA

Framkonur unnu öruggan tíu marka sigur á HK í Olís-deild kvenna þegar liðin áttust við í Kórnum í dag.

Fram leiddi með fjórum mörkum í leikhléi, 12-16, eftir að fyrri hálfleikur hafði verið frekar jafn. Framkonur héldu áfram að bæta við forystuna í síðari hálfleik og unnu að lokum tíu marka sigur, 22-32.

Ragnheiður Júlíusdóttir fór mikinn í sóknarleik gestanna og gerði tólf mörk en Karólína Bæhrenz kom næst henni í markaskorun með sjö mörk.

Tinna Sól Björgvinsdóttir var markahæst heimakvenna með sjö mörk.

Fram hefur nú jafnmörg stig og KA/Þór á toppi deildarinnar. HK í næstneðsta sæti deildarinnar með fimm stig.

Olís-deild kvenna Fram HK

Mest lesið


Fleiri fréttir

Sjá meira


×

Mest lesið